- Адамны сыфатына къарама, сёзюне къара.
- Джарашыу сюйген – джалынчакъ.
- Къатыны харакетли болса, эри къымсыз болур.
- Ана къолу ачытмаз.
- Къоркъакъны кёзю экили кёрюр.
- Ауругъаннга – кийик саулукъ, джетген къызгъа – чилле джаулукъ.
- Джырчы ёлсе, джыры къалыр.
- Джарлы джети элни сёзюн этер.
- Аууздан келген, къолдан келсе, ким да патчах болур эди.
- Кюн кёрмеген, кюн кёрсе, кюндюз чыракъ джандырыр.
- Байлыкъ болгъан джерде, тынчлыкъ джокъду.
- Гыдай эчки суугъа къараб, мюйюзле кёрмесе, джашма алкъын, дегенди.
- Айныгъанлы алты кюн, тогъайгъанлы тогъуз кюн.
- Башы джабылгъан челекге, кир тюшмез.
- Джети тилни билген джети кишиди.
- Джашны джигитлиги сорулур, къызны джигерлиги сорулур.
- Акъыл неден да кючлюдю.
- Аман эсирсе, юйюн ояр.
- Къууут – джелге, берне – бошха.
- Къыз келсе, джумуш эте келеди, къатын келсе, ушакъ эте келеди.
- Юре билмеген ит, къонакъ келтирир.
- Айтхан – тынч, этген – къыйын.
- Соргъан айыб тюлдю, билмеген айыбды.
- Эри аманны, къатыны – аман.
- Адеб базарда сатылмаз.
- Ашхы – джыяр, аман – джояр.
- Биреуге аманлыкъны тилеме да, кесинге ашхылыкъны тиле.
- Киштикге къанат битсе, чыпчыкъ къалмаз эди.
- Бермеген къол, алмайды.
- Тешик этген тынчды, аны джамагъан къыйынды.
- Джарлы тюеге минсе да, ит къабар.
- Хоншуну тауугъу къаз кёрюнюр, келини къыз кёрюнюр.
- Къолунгдан къуймакъ ашатсанг да, атаны борчундан къутулмазса.
- Зар адамны насыбы болмаз.
- Эл ауузу – элек, анга ийнаннган – халек.
- Аш иеси бла татлыды.
- Кесине гебен этелмеген, биреуге черен эте эди.
- Къызны минг тилер, бир алыр.
- Чакъырылмагъан къонакъ тёрге атламаз.
- Хата – гитчеден.
- Къарт болгъан джерде, берекет болур, сабий болгъан джерде, оюн болур.
- Къыз тиширыу кеси юйюнде да къонакъды.
- Кечеси – аяз, кюню – къыш, джарлы къаргъагъа бир аш тюш!
- Иги сеники эсе да, сюйген кесимикин этеме.
- Экеу тутушса, биреу джыгъылыр.
- Сыфатында болмагъаны, суратында болмаз.
- Илму – джашауну джолу.
- Ёлюк кебинсиз къалмаз.
- Мухардан ач ычхынмаз.
- Къонакъ хазыр болгъанлыкъгъа, къонакъбай хазыр тюлдю.
Крымкая война
Читают тему (гостей: 1)