- Эри аманны, къатыны – аман.
- Адам къыйынлыгъын кёлтюрюр, зауукълугъун кёлтюрмез.
- Адам боллукъ, атламындан белгили болур.
- Игини сыйлагъан адетди.
- Кёбге таш атма.
- Ат да турмайды бир териде.
- Ашда – бёрю, ишде – ёлю.
- Огъурлуну сёзю – суу, огъурсузну сёзю – уу.
- Эр сокъур болсун, къатын тилсиз болсун.
- Тилде сюек болмаса да, сюек сындырыр.
- Ач бёрюге мекям джокъ.
- Артына баргъанны, къатына барма.
- Ишни ахырын ойламай, аллын башлама.
- Чоюнну башы ачыкъ болса, итге уят керекди.
- Къонакъ болсанг, ийнакъ бол.
- Халкъгъа джарагъан, джарлы къалмаз.
- Адам сёзюнден белгили.
- Окъуу – билимни ачхычы, окъуу – дунияны бачхычы.
- Ашыкъгъан cуу, тенгизге джетмез.
- Ёлген эшек бёрюден къоркъмайды.
- Айырылгъанланы айю ашар, бёлюннгенлени бёрю ашар.
- Сёз – кюмюш, джыр – алтын.
- Дуния мал дунияда къалады.
- Къызгъанчдан ычхыныр, мухардан ычхынмаз.
- Аман къатын алгъан, арыр, иги къатын алгъан джарыр.
- Зар адам ашынгы ашар, кесинги сатар.
- Нарт сёз – тилни бети.
- Тилчи тилден къаныкъмаз.
- Эшекге миннген – биринчи айыб, андан джыгъылгъан – экинчи айыб.
- Кюн – узун, ёмюр – къысха.
- Билими азны – ауузунда кирит.
- Къайгъыны сюйген, къайгъы табар.
- Къазанны башы ачыкъ болса, итге уят керекди.
- Ойнай-ойнай кёз чыгъар.
- Тёрдеги кюлсе, эшикдеги ышарыр.
- Чомартха хар кюн да байрамды.
- Къонакъ аз олтурур, кёб сынар.
- Биреу къой излей, биреу той излей.
- Накъырда – кертини келечиси.
- Къыз тиширыу кеси юйюнде да къонакъды.
- Булут кёкге джарашыу, уят бетге джарашыу.
- Ёпкелегенни ашы татлы болады.
- Магъанасыз сёз – тауушсуз сыбызгъы.
- Тешигини къатында, чычхан да батыр болур.
- Кюл тюбюндеги от кёрюнмейди.
- Билим – акъылны чырагъы.
- Башланнган иш битер, къымылдагъан тиш тюшер.
- Биреуге аманлыкъны тилеме да, кесинге ашхылыкъны тиле.
- Эртде тургъан джылкъычыны эркек аты тай табар.
- Къолу уллу – асыу, аягъы уллу – джарсыу.
Список награжденных георгиевским крестом
Читают тему (гостей: 1)