- Сакъалы текени да бар, мыйыгъы киштикни да бар.
- Эл бла кёргенинг эрелей.
- Аманны эки битли тону болур, бирин сеннге кийдирир, бирин кеси киер.
- Билмегенинги, билгеннге сор.
- Элге къуллукъ этмеген, элге ие болмаз.
- Ётюрюкню къуйругъу – бир тутум.
- Адеби болмагъан къыз – тузсуз хант.
- Ата – билек, ана – джюрек!
- Кёзден кетген, кёлден да кетеди.
- Чабакъ башындан чирийди.
- Сескекли кесин билдирир.
- Берекет берсин деген джерде, берекет болур.
- Хантына кёре тузу, юйюне кёре къызы.
- Ач къалгъандан, кеч къалгъан къолай.
- Сютню башын джалагъан къутулур, тюбюн ичген тутулур.
- Олтуруб кёрюнмей эди да, ёрге туруб кёрюне эди.
- Бойнуму джети джерден кессенг да, мен ол ишни этеллик тюлме.
- Уллу атлама – абынырса, уллу къабма – къарылырса.
- Биреу къой излей, биреу той излей.
- Эл ауузу – элек, анга ийнаннган – халек.
- Къралынгы – душмандан, башынгы от бла суудан сакъла.
- Бети къызарыучу адамны, джюреги харам болмаз.
- Джашынгы кесинг юретмесенг, джашау юретир.
- Шекер бла туз – бир болмаз, ушамагъан – юй болмаз.
- Ата – баланы уясы.
- Баш – акъыл ючюн, акъылман – халкъ ючюн.
- Баш болса, бёрк табылыр.
- Махтаннган къыз, тойда джукълар.
- Къыз чыгъаргъан – къызыл къымжа.
- Кёбге таш атма.
- Миллетни бойну – базыкъ, аны бла кюрешген – джазыкъ.
- Бир абыннган – минг сюрюнюр.
- Этни да ашады, бетни да ашады.
- Уллу сёзде уят джокъ.
- Аманны тукъумуна къарама, игини тукъумун сорма.
- Айранны сюйген, ийнек тутар.
- Къан бла кирген, джан бла чыгъар.
- Ёксюзню къалачы уллу кёрюнюр.
- Мухардан ач ычхынмаз.
- Бастасын ашагъан, хантусун да ичер.
- Тил бла келеди джыр да.
- Чомарт джарлы болмаз.
- Аманнга алтын чыдамаз.
- Оюмсуз атлагъан, аджалсыз ёлюр.
- Арбаз къынгырды да, ийнек сауалмайма.
- Хар ишни да аллы къыйынды.
- Аман адам элни бир-бирине джау этер.
- Айырылмаз джууугъунга, унутмаз сёзню айтма.
- Айыбны суу бла джууалмазса.
- Босагъагъа джууукъ орун болса, ашыгъыб тёрге озма.
- НФ - Интервью с форумчанами
Сейчас на форуме (гостей: 1)