- Тойгъан джерден туугъан джер игиди.
- Тынгылагъан тынгы бузар.
- Нафысынгы айтханын этме, намысынгы айтханын эт.
- Зар адам ашынгы ашар, кесинги сатар.
- Ашхылыкъ джерде джатмайды, аманлыкъ суугъа батмайды.
- Нёгер болсанг, тенг бол, тенг болмасанг, кенг бол.
- Аман адам этегингден тутса, кес да къач.
- Къонакъ хазыр болгъанлыкъгъа, къонакъбай хазыр тюлдю.
- Тюзлюк тас болмайды.
- Чоюнну башы ачыкъ болса, итге уят керекди.
- Уллу айтханны этмеген – уллаймаз.
- Билимден уллу байлыкъ джокъду.
- Джыгъылгъанны сырты джерден тоймаз.
- Къонакъ аман болса, къонакъбай джунчур
- Ана кёлю – балада, бала кёлю – талада.
- Джол бла сёзню къыйыры джокъ.
- Кесинг сынамагъан затны, адамгъа буюрма.
- Ач къарным, тынч къулагъым.
- Ачлыкъда тары гырджын халыуадан татлы.
- Ишни ахырын ойламай, аллын башлама.
- Нёгерсизни джолу узун.
- Ичимден чыкъды хата, къайры барайым сата?
- Джарлыны эшигин махтагъан джабар.
- Аллахдан тилесенг, кёб тиле.
- Ёзденликни джайгъан – джокълукъ.
- Тешик этген тынчды, аны джамагъан къыйынды.
- Джюз элде джюз ёгюзюм болгъандан эсе, джюз джууугъум болсун.
- Ат басханны джер билед.
- Таула не мийик болсала да, аууш табылыр.
- Келгинчи, къонакъ уялыр, келгенден сора, къонакъбай уялыр.
- Тил джюрекге джол ишлейди.
- Хоншуну тауугъу къаз кёрюнюр, келини къыз кёрюнюр.
- Мураты болгъанны джюрек тебюую башхады.
- Арба аугъандан сора, джол кёргюзтюучю кёб болур.
- Къарнынг бла ёч алма.
- Ашхы адам – халкъ байлыгъы, ашхы джер – джашау байлыгъы.
- Тюкюрюк баш джармаз, налат кёз чыгъармаз!
- Аш иеси бла татлыды.
- Гугук кесини атын айтыб къычыргъанча, мен, мен деб нек тураса?
- Аманнга да, игиге да оноусуз къатышма.
- Къанны къан бла джуума, аманны аман бла къуума.
- Ариу – кёзге, акъыл – джюрекге.
- Кёзден кетген, кёлден да кетеди.
- Садакъачыны джаны – къапчыгъында.
- Экиндини кеч къылсанг, чабыб джетер ашхам.
- Башда акъыл болмаса, эки аякъгъа кюч джетер.
- Бир абыннган – минг сюрюнюр.
- Аз айтсам, кёб ангылагъыз.
- Чабар ат – джетген къыз.
- Сескекли кесин билдирир.
Ищу сведения о жизни Дудова Леона Исмаиловича
Читают тему (гостей: 1)