- Къарны аманнга къазан такъдырма, къолу аманнга от джакъдырма.
- Тин – байлыгъынг, терен саулугъунг.
- Адеб базарда сатылмаз.
- Гугук кесини атын айтыб къычыргъанча, мен, мен деб нек тураса?
- Юйлю уругъа ит чабмаз.
- Сёз сёзню айтдырыр.
- Терек ауса, отунчу – кёб.
- Танг атмайма десе да, кюн къоярыкъ тюйюлдю.
- Атлыны ашхысы, ат тизгининден билинир
- Шекер бла туз – бир болмаз, ушамагъан – юй болмаз.
- Къыз чыгъаргъан – къызыл къымжа.
- Билмейме деген – бир сёз
- Ата – билек, ана – джюрек!
- Орундукъ тюбюнде атылсам да, орта джиликме, де да айлан.
- Аманнга игилик этсенг, юйюнге сау бармазса.
- Алтыннга тот къонмаз.
- Мал тутхан – май джалар.
- Аш хазыр болса, иш харам болур.
- Къарнынг бла ёч алма.
- Суу да къайтады чыкъгъан джерине.
- Телини эшигин, махтау джабар.
- Кеси юйюмде мен да ханма.
- Аякъларынгы джууургъанынга кёре узат.
- Аман хансны – урлугъу кёб.
- Адеби болмагъан къыз – тузсуз хант.
- Баш болса, бёрк табылыр.
- Айныгъанлы алты кюн, тогъайгъанлы тогъуз кюн.
- Тойгъандан сора, ашны сёкме.
- Чёбню кёлтюрсенг, тюбюнден сёз чыгъар.
- Джеринден айырылгъан – джети джылар, джуртундан айырылгъан – ёлгюнчю джылар.
- Тенги кёбню джау алмаз, акъылы кёбню дау алмаз.
- Бастасын ашагъан, хантусун да ичер.
- Адебни адебсизден юрен.
- Керек ташны ауурлугъу джокъ.
- От этилмеген джерден тютюн чыкъмайды.
- Эркишиге тары кебек танг кёрюнюр.
- Айранны сюйген, ийнек тутар.
- Тойгъан джерге джети къайт.
- Уллу атлама – абынырса, уллу къабма – къарылырса.
- Бёрю да ач къалмасын, эчки да ашалмасын.
- Джахил болса анасы, не билликди баласы?
- Ариу – кёзге, акъыл – джюрекге.
- Сютден ауузу кюйген, суугъа юфгюре эди.
- Къазанны башы ачыкъ болса, итге уят керекди.
- Хатерли къул болур.
- Таукелге нюр джауар.
- Хантына кёре тузу, юйюне кёре къызы.
- Ач да бол, токъ да бол – намысынга бек бол.
- Окъугъан – асыу, окъумагъан – джарсыу.
- Эки къатын алгъан – эки ташны ортасына башын салгъан.
[ Закрыто ] кто умеет танцевать
Читают тему (гостей: 1)