- Нарт сёз – тилни бети.
- Уллу сёзде уят джокъ.
- Кёбню кёрген – кёб билир.
- Телиге акъыл салгъандан эсе, ёлгеннге джан салырса.
- Къонагъы джокъну – шоху джокъ.
- Алгъанда – джууукъ, бергенде – джау.
- Ашатыргъа иш – ашхы, ишлетирге аш – ашхы.
- Билеги кючлю, бирни джыгъар, билими кючлю, мингни джыгъар.
- Ётюрюк хапар аякъ тюбю бла джюрюйдю.
- Нёгер болсанг, тенг бол, тенг болмасанг, кенг бол.
- Мадар болса, къадар болур.
- Тюз сёз баргъан сууну тыяр.
- Къарнынг бла ёч алма.
- Ачны эсинде – аш.
- Тулпарлыкъ, билекден тюл – джюрекден.
- Атлыны кёрсе, джаяуну буту талыр.
- Джарлы эскисин джамаса, къууаныр.
- Сёз – кюмюш, джыр – алтын.
- Тин – байлыгъынг, терен саулугъунг.
- Джашны джигитлиги сорулур, къызны джигерлиги сорулур.
- Гырджын – тепсини тамадасы.
- Джаханимни кёрмей, джандетге кёл салмазса.
- Уллу айтханны этмеген – уллаймаз.
- Джылкъыдан – ат чыгъар, тукъумдан – джаш чыгъар.
- Сормай – алма, чакъырылмай – барма.
- Аш кетер да бет къалыр.
- Къонакъ кёб келюучю юйню, къазаны отдан тюшмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джаш болсун, къыз болсун, акъылы, саны тюз болсун.
- Орну джокъну – сыйы джокъ.
- Джыланны къуйругъундан басарынг келсе, аны башы болгъанын унутма.
- Экиндини кеч къылсанг, чабыб джетер ашхам.
- Сабийни джумушха джибер да, ызындан бар.
- Акъыл неден да кючлюдю.
- Билимли ёлмез, билимсиз кёрмез.
- Ач – эснер, ат – кишнер.
- Дуния мал дунияда къалады.
- Чомартны къолун джокълукъ байлар.
- Къонакъны къачан кетерин сорма, къачан келлигин сор.
- Байлыкъ тауусулур, билим тауусулмаз.
- Аз сёлеш, кёб ишле.
- Аманны тукъумуна къарама, игини тукъумун сорма.
- Азыгъы аз, алгъа къабар, аты аман, алгъа чабар.
- Мен да «сен», дейме, сен да «кесим», дейсе.
- Гугук кесини атын айтыб къычыргъанча, мен, мен деб нек тураса?
- Мал ёлсе, сюек къалыр, адам ёлсе, иши къалыр.
- Бир абыннган – минг сюрюнюр.
- Ана – юйню кюн джарыгъы.
- Ачыу алгъа келсе, акъыл артха къалады.
- Ариу сёз аурууунгу алыр.
[ Закрыто ] Карачаевцы в Новой Зеландии
Читают тему (гостей: 1)