- Тил – кесген бычакъ, сёз – атылгъан окъ.
- Ана кёлю – балада, бала кёлю – талада.
- Суу да къайтады чыкъгъан джерине.
- Ашатыргъа иш – ашхы, ишлетирге аш – ашхы.
- Башсыз урчукъ тюзюне айланмаз.
- Кийиминг бла танылма, адамлыкъ бла таныл.
- Эки къатын алгъанны къулагъы тынгнгаймаз.
- Минг тенг да азды, бир джау да кёбдю.
- Бети бедерден, намыс сакълама.
- Къайтырыкъ эшигинги, къаты уруб чыкъма.
- Ата – баланы уясы.
- Уллу къашыкъ эрин джыртар.
- Тыш элде солтан болгъандан эсе, кесинги элде олтан болгъан игиди!
- Аманнга да, игиге да оноусуз къатышма.
- Ишни ахырын ойламай, аллын башлама.
- Билмегенинги, билгеннге сор.
- Иги адам абынса да, джангылмаз.
- Окъуу – билимни ачхычы, окъуу – дунияны бачхычы.
- Бозаны арты дауур болур.
- Къазанны башы ачыкъ болса, итге уят керекди.
- Нёгерсизни джолу узун.
- Къар – келтирди, суу – элтди.
- Борчунг бар эсе, хурджунунга ойлаб узал.
- Къолу уллу – асыу, аягъы уллу – джарсыу.
- Ашхы болсанг, атынг чыгъар, аман болсанг, джанынг чыгъар.
- Терек ауса, отунчу – кёб.
- Игилик игилик бла сингдирилиучю затды.
- Адамны сыфатына къарама, сёзюне къара.
- Джылкъыдан – ат чыгъар, тукъумдан – джаш чыгъар.
- Байма, деб да, къууанма, джарлыма, деб да, джылама.
- Ёксюзню къалачы уллу кёрюнюр.
- Келлик заман – къартлыкъ келтирир, кетген заман – джашлыкъ ёлтюрюр.
- Джюрек кёзден алгъа кёрюр.
- Арбаз къынгырды да, ийнек сауалмайма.
- Алма терегинден кери кетмез.
- Къонакъ кёб келюучю юйню, къазаны отдан тюшмез.
- Кеси юйюмде мен да ханма.
- Ариуну – ауруу кёб.
- Ачны эсинде – аш.
- Ишге юренсин къоллары, халкъ бла болсун джоллары.
- Атлыны кёрсе, джаяуну буту талыр.
- Этни бети бла шорпасы.
- Джарлыны эшигин махтагъан джабар.
- Байлыкъ болгъан джерде, тынчлыкъ джокъду.
- Джырчы ёлсе, джыры къалыр.
- Артына баргъанны, къатына барма.
- Оюмсуз атлагъан, аджалсыз ёлюр.
- Акъыллы айтыр эди, акъылсыз къоймайды.
- Къумурсхала джыйылсала, пилни да джыгъадыла.
- Тойчу джашха къарама, къойчу джашха къара.
[ Закрыто ] Бизни миллет джер юсюнде сакъланырмы?
Читают тему (гостей: 1)