- Шекер бла туз – бир болмаз, ушамагъан – юй болмаз.
- Къыйынлы джети элге оноу этер.
- Тил – миллетни джаны.
- Джаханимни кёрмей, джандетге кёл салмазса.
- Арыгъан къош чамчы болур.
- Мал тутхан – май джалар.
- Тыш элде солтан болгъандан эсе, кесинги элде олтан болгъан игиди!
- Эринчекни аурууу – кёб.
- Ач отунчуну ачыуу – бурнунда.
- Джангызны оту джарыкъ джанмаз!
- Биреу къой излей, биреу той излей.
- Джумушакъ терекни къурт ашар.
- Дуния мал дунияда къалады.
- Аман хансны – урлугъу кёб.
- Къатын байлыкъны сюер, эр саулукъну сюер.
- Акъыллы – эл иеси, тели – эл баласы.
- Бал ашаргъа сюе эсенг, чибин ургъаннга тёз.
- Кесинге джетмегенни, кёб сёлешме.
- Уллу сёлешме да, уллу къаб.
- Окъуусуз билим – джокъ, билимсиз кюнюнг – джокъ.
- Иши джокъну, сыйы джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Тил бла келеди джыр да.
- Элиб деген, элге болушур.
- Хар сёзню орну барды.
- Кёлсюзден сёзсюз тууар.
- От кюйдюрген, сау болса да, тот кюйдюрген, сау болмаз.
- Ашлыкъ – бюртюкден, джюн – тюкден.
- Чомартны къолун джокълукъ байлар.
- Кёзю сокъурдан – къоркъма, кёлю сокъурдан – къоркъ.
- Келинни – келгинчи, бёркню кийгинчи кёр.
- Ауузу аманнга «иги», деме.
- Босагъагъа джууукъ орун болса, ашыгъыб тёрге озма.
- Джигер – джаннга къыйынлыкъ.
- Зар адамны насыбы болмаз.
- Аман эсирсе, юйюн ояр.
- Тойну къарнашы – харс, джырны къарнашы – эжиу.
- Байлыкъдан саулукъ ашхыды.
- Билимсиз иш бармаз.
- Малны кют, джерни тюрт.
- Тау башында, тау болмаз, джангыз терек, бау болмаз.
- Сютден ауузу кюйген, суугъа юфгюре эди.
- Биреу ашаб къутулур, биреу джалаб тутулур.
- Кийимни бир кюнню аясанг, минг кюннге джарар.
- Намыс сатылыб алынмайды.
- Аджашханны ызындагъы кёреди, джангылгъанны джанындагъы биледи.
- Келинин тута билмеген, къул этер, къызын тута билмеген, тул этер.
- Соргъан айыб тюлдю, билмеген айыбды.
- Уруну арты – къуру.
- Сибиртки да сыйлы болду, кюрек да кюнлю болду.
[ Закрыто ] Вопрос джашлагъа, но мнение къызланы тоже важно
Читают тему (гостей: 1)