- Ойнай билмеген, уруб къачар.
- Бичгенде ашыкъма, тикгенде ашыкъ.
- Рысхы – насыбха къор.
- Окъугъанны бети джарыкъ.
- Ёзденликни кёбю ётюрюк.
- Тамчы таш тешер.
- Кёл ашады да, кеси ашады.
- Бир абыннган – минг сюрюнюр.
- Шапа кёб болса, аш татымсыз болур.
- Келгинчи, къонакъ уялыр, келгенден сора, къонакъбай уялыр.
- Байма, деб да, къууанма, джарлыма, деб да, джылама.
- Джыйырма къойну юч джыйырма эбзе кюте эди.
- Къарнынг къанлынга кийирир.
- Этни да ашады, бетни да ашады.
- Ишге юренсин къоллары, халкъ бла болсун джоллары.
- Джыланны къуйругъундан басарынг келсе, аны башы болгъанын унутма.
- Ашарыкъда сайлагъаннга – чий гырджын.
- Къанны къан бла джуума, аманны аман бла къуума.
- Билмезни кёзю кёрмез, этмезни къулагъы эшитмез.
- Мухардан ач ычхынмаз.
- Олтуруб кёрюнмей эди да, ёрге туруб кёрюне эди.
- Ауругъанны сау билмез, ач къарынны токъ билмез.
- Чыкълы кюнде чыкъмагъан, чыкъса къуру кирмеген.
- Къарын къуру болса, джюрек уру болур.
- Келинин тута билмеген, къул этер, къызын тута билмеген, тул этер.
- Чомартха Тейри да борчлуду.
- Этек чакъмакълары баш джаргъан, сёлешген сёзлери таш джаргъан.
- Джашынгы кесинг юретмесенг, джашау юретир.
- Аш хазыр болса, иш харам болур.
- Къонагъынгы артмагъын алма да, алгъышын ал.
- Керти сёзге тёре джокъ.
- Таукел тауну аудурур.
- Айраннга суу къош, телиге джол бош.
- Таукелге нюр джауар.
- Ауругъан – джашаудан умутчу.
- Аджашханны ызындагъы кёреди, джангылгъанны джанындагъы биледи.
- Джашда акъыл джокъ, къартда къарыу джокъ.
- Хар адамгъа кеси миннген тау кибик.
- Эр абынмай, эл танымаз.
- Таукел къуру къалмаз.
- Киштикге къанат битсе, чыпчыкъ къалмаз эди.
- Аш кетер да бет къалыр.
- Джылар джаш, атасыны сакъалы бла ойнар.
- Эки элинги тыйсанг, джети элде махталырса.
- Таякъ этден ётер, тил сюекден ётер.
- Эртде тургъан бла эртде юйленнген сокъуранмаз.
- Ёгюзню мюйюзлери ауурлукъ этмейдиле.
- Сескекли кесин билдирир.
- Телиге акъыл салгъандан эсе, ёлгеннге джан салырса.
- Джарлыны тону джаз битер.