- Къуллукъчума, деб махтанма, къуллукъ – хаух джамчыды!
- Джаханимни кёрмей, джандетге кёл салмазса.
- Ашхы атаны – джашы ашхы, ашхы ананы – къызы ашхы.
- Къарны аманнга къазан такъдырма, къолу аманнга от джакъдырма.
- Чакъырылмагъан къонакъ къачан кетерин сормаз.
- Джылыгъа джылан илешир.
- Арыгъан къош чамчы болур.
- Билеги кючлю, бирни джыгъар, билими кючлю, мингни джыгъар.
- Джолда аягъынга сакъ бол, ушакъда тилинге сакъ бол.
- Чабакъ башындан чирийди.
- Чомарт джарлы болмаз.
- Бозаны арты дауур болур.
- Ач да бол, токъ да бол – намысынга бек бол.
- Сакъалы текени да бар, мыйыгъы киштикни да бар.
- Къатыны харакетли болса, эри къымсыз болур.
- Этим кетсе да, сюегим къалыр.
- Эки итни арасына сюек атма, эки адамны арасында сёз чыгъарма.
- Къобан да къуру да къобханлай турмайды, адам да къуру да патчахлай турмайды.
- Тёрдеги кюлсе, эшикдеги ышарыр.
- Къалгъан ишге къар джауар.
- Эрине къаргъыш этген къатын, эрнин къабар.
- Адебни адебсизден юрен.
- Бастасын ашагъан, хантусун да ичер.
- Тойгъандан сора, ашны сёкме.
- Ёзденликни кёбю ётюрюк.
- Ата джурт – алтын бешик.
- Джарлыны тону джаз битер.
- Чомартха хар кюн да байрамды.
- Ачны эсинде – аш.
- Ат да турмайды бир териде.
- Джарлы тюеге минсе да, ит къабар.
- Керилген да, ургъан кибикди.
- Ач къарынны, токъ билмез
- Ёксюзню къалачы уллу кёрюнюр.
- Аз сёлеш, кёб ишле.
- Киштикге къанат битсе, чыпчыкъ къалмаз эди.
- Тура эдим джата, къайдан чыкъды хата?
- Ашатыргъа иш – ашхы, ишлетирге аш – ашхы.
- Кюн – узун, ёмюр – къысха.
- Ашхылыкъ джерде джатмайды, аманлыкъ суугъа батмайды.
- Къыз тиширыу кеси юйюнде да къонакъды.
- Айыбны суу бла джууалмазса.
- Эл элде бирер малынг болгъандан эсе, бирер тенгинг болсун.
- Джетген къыз джерли эшекни танымаз.
- Аман киши кеси юйюнде – къонакъ.
- Ышармагъан – кюлмез, кюлмеген – къууанчны билмез.
- Ашхы тенг джолгъа салыр, аман тенг джолдан тайдырыр.
- Чабакъгъа акъыл, табагъа тюшсе келеди.
- Ашхы – джыяр, аман – джояр.
- Айран ичген – къутулду, джугъусун джалагъан – тутулду.
