- Аз айтсам, кёб ангылагъыз.
- Къыз тиширыу кеси юйюнде да къонакъды.
- Джан саулукъ бермей, сан саулукъ бермезсе.
- Чомартны къолун джокълукъ байлар.
- Къарт айтханны этмеген, къартаймаз.
- Адам боллукъ, атламындан белгили болур.
- Уллу айтханны этмеген – уллаймаз.
- Аз сёлешген, къайгъысыз турур.
- Ишлегенде эринме, ишде чолакъ кёрюнме.
- Шапа кёб болса, аш татымсыз болур.
- Чыбыкълыкъда бюгюлмеген, къазыкълыкъда бюгюлмей эди.
- Аман эсирсе, юйюн ояр.
- Тойгъа барсанг, тоюб бар, эски тонунгу къоюб бар.
- Айныгъанлы алты кюн, тогъайгъанлы тогъуз кюн.
- Эте билген, этген этеди, эте билмеген, юретген этеди!
- Бал ашаргъа сюе эсенг, чибин ургъаннга тёз.
- Къазанда болса, чолпугъа чыгъар.
- Эски джаугъа ышанма.
- Къартны бурнун сюрт да, оноугъа тут.
- Этек чакъмакълары баш джаргъан, сёлешген сёзлери таш джаргъан.
- Кюлме джашха – келир башха.
- Адеб этмеген, адеб кёрмез.
- Билгенни къолу къарны джандырыр.
- Ёксюзню къалачы уллу кёрюнюр.
- Тойгъа алгъа да барма, тойда артха да къалма.
- Бермеген къол, алмайды.
- Джарлы эскисин джамаса, къууаныр.
- Адамны джюреги нени кёрюрге сюйсе, кёзю да аны кёрюрге ёч болады.
- Ата Джуртуму башы болмасам да, босагъасында ташы болайым.
- Айранын берсенг, челегин да къызгъанма.
- Уясында не кёрсе, учханында аны этер.
- Джерни букъусу кёкге къонмаз.
- Ачыу алгъа келсе, акъыл артха къалады.
- Ишлегенден, къарагъан уста.
- Терслик кетер, тюзлюк джетер.
- Тойгъандан сора, ашны сёкме.
- Хаухну атма, ёнгкючню сатма.
- Аманнга игилик этсенг, юйюнге сау бармазса.
- Акъыл къартда, джашда тюйюлдю – башдады.
- Ата – баланы уясы.
- Ётюрюкню башын керти кесер.
- Этни да ашады, бетни да ашады.
- Башсыз урчукъ тюзюне айланмаз.
- Бастасын ашагъан, хантусун да ичер.
- Тёрдеги кюлсе, эшикдеги ышарыр.
- Этим кетсе да, сюегим къалыр.
- Аууз сакълагъан – джан сакълар.
- Ауругъанны сау билмез, ач къарынны токъ билмез.
- Тилчиден кери бол.
- Билген билмегенни юретген адетди.
Предлагаем работу в г. Пятигорске
Читают тему (гостей: 1)