- Адамны джюреги нени кёрюрге сюйсе, кёзю да аны кёрюрге ёч болады.
- Мухардан ач ычхынмаз.
- Ашлыкъ – бюртюкден, джюн – тюкден.
- Тынгылагъан тынгы бузар.
- Иги адам абынса да, джангылмаз.
- Билим ат болуб да чабар, къуш болуб да учар.
- Ётюрюкчюню шагъаты – къатында.
- Джырчы ёлсе, джыры къалыр.
- Уруну арты – къуру.
- Ауругъаннга – кийик саулукъ, джетген къызгъа – чилле джаулукъ.
- Чомартны къолун джокълукъ байлар.
- Тёгюлген тюгел джыйылмайды.
- Джангыз терек къынгыр ёсер.
- Сёз къанатсыз учар.
- Суугъа – чабакъ, къаягъа – ыргъакъ.
- Билим насыб берир, билим джолну керир.
- Тойгъа алгъа да барма, тойда артха да къалма.
- Оюмсуз атлагъан, аджалсыз ёлюр.
- Ач къалгъандан, кеч къалгъан къолай.
- Аман адам этегингден тутса, кес да къач.
- Туз, гырджын аша, тюзлюк бла джаша.
- Адамны аты башхача, акъылы да башхады.
- Эртде тургъан бла эртде юйленнген сокъуранмаз.
- Хазыр ашха – терен къашыкъ.
- Эрни эр этерик да, къара джер этерик да, тиширыуду.
- Джолда аягъынга сакъ бол, ушакъда тилинге сакъ бол.
- Телини эшигин, махтау джабар.
- Айранны сюйген, ийнек тутар.
- Адам къыйынлыгъын кёлтюрюр, зауукълугъун кёлтюрмез.
- Кёзню ачылгъаны – иги, ауузну джабылгъаны – иги.
- Аман адамны тепсинге олтуртсанг, къызынгы тилер.
- Сормай – алма, чакъырылмай – барма.
- Эки къатын алгъан – эки ташны ортасына башын салгъан.
- Айтханы чапыракъдан ётмеген.
- Акъыл аздырмаз, билим тоздурмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Джаш болсун, къыз болсун, акъылы, саны тюз болсун.
- Билген билмегенни юретген адетди.
- Аманны эки битли тону болур, бирин сеннге кийдирир, бирин кеси киер.
- Ашхы сёз таш тешер.
- Ёлген аслан – сау чычхан.
- Ишни аллы бла къууанма да, арты бла къууан.
- Тас болгъан бычакъны сабы – алтын.
- Джашлыкъ этмеген, башлыкъ этмез.
- Сабыр джетер муратха, сабырсыз къалыр уятха.
- Ауузу бла къуш тута айланады.
- Атадан ёксюз – бир ёксюз, анадан ёксюз – эки ёксюз.
- Тамбла алтындан бюгюн багъыр ашхы.
- Эртде тургъан джылкъычыны эркек аты тай табар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.