- Иги адамны бир сёзю эки болмаз.
- Эркиши – от, тиширыу – суу.
- Чомартны къолу берекет.
- Джырчы ёлсе, джыры къалыр.
- Байны къызы баймакъ болса да, юйде къалмаз!
- Рысхы – сют юсюнде кёмюк кибикди.
- Джахил болса анасы, не билликди баласы?
- Гыдай эчки суугъа къараб, мюйюзле кёрмесе, джашма алкъын, дегенди.
- Бастасын ашагъан, хантусун да ичер.
- Ёгюзню мюйюзлери ауурлукъ этмейдиле.
- Элиб деген, элге болушур.
- Ойнаб айтсанг да, эслеб айт.
- Джан саулукъ бермей, сан саулукъ бермезсе.
- Телиге от эт десенг, юйюнге от салыр.
- Ётген ёмюр – акъгъан суу.
- Ач, тоймам, дейди, тойгъан, ач болмам, дейди.
- Миллетни бойну – базыкъ, аны бла кюрешген – джазыкъ.
- Экеулен сёлеше тура эселе, орталарына барыб кирме.
- Къуру гыбыт бек дыгъырдар.
- Ишни аллы бла къууанма да, арты бла къууан.
- Урама да – ёледи, сатама да – келеди.
- Джарлыны тону джаз битер.
- Кёз – сюйген джерде, къол – ауругъан джерде.
- Башланнган иш битер, къымылдагъан тиш тюшер.
- Рысхы джалгъанды: келген да этер, кетген да этер.
- Билимсиз иш бармаз.
- Кирсизни – саны таза, халалны – къаны таза.
- Кимни – тили, тиши онглу, кимни – къолу, иши онглу.
- Aдам боллукъ, сыфатындан белгили.
- Къарнынг ауруса, ауузунгу тый
- Аманны эки битли тону болур, бирин сеннге кийдирир, бирин кеси киер.
- Биреуню къыйынлыгъы бла кесинге джол ишлеме.
- Окъ къызбайны джокълайды.
- Малны кют, джерни тюрт.
- Юй ишлеген балта эшикде къалыр.
- Агъач халкъгъа алтынды, иссиликге салкъынды.
- Чакъырылмагъан къонакъ тёрге атламаз.
- Сыфатында болмагъаны, суратында болмаз.
- Джангызны оту джарыкъ джанмаз!
- Тилчиден кери бол.
- Бети къызарыучу адамны, джюреги харам болмаз.
- Бичгенде ашыкъма, тикгенде ашыкъ.
- Ушамагъан – джукъмаз.
- Сормай – алма, чакъырылмай – барма.
- Биреу ашаб къутулур, биреу джалаб тутулур.
- Кюн кёрмеген, кюн кёрсе, кюндюз чыракъ джандырыр.
- Тюзню ётмеги тюзде къалса да, тас болмаз.
- Тура эдим джата, къайдан чыкъды хата?
- Киштикге къанат битсе, чыпчыкъ къалмаз эди.
- Хар ишни да аллы къыйынды.
- НФ - Объявления
Темы |
Ответы | Просмотры | Обновление | |
---|---|---|---|---|
1 | 2200 | |||
10 | 2593 | |||
10 | 2577 | |||
9 | 2684 | |||
1 | 1228 | |||
2 | 1736 | |||
18 | 6835 | |||
16 | 4181 | |||
2 | 1348 | |||
51 | 13487 | |||
30 | 17244 | |||
7 | 3035 | |||
3 | 1483 | |||
8 | 2458 | |||
15 | 3587 | |||
1 | 1308 | |||
2 | 1537 | |||
1 | 1273 | |||
23 | 6239 | |||
15 | 4506 | |||
Сейчас на форуме (гостей: 1)