- Билмейме деген – бир сёз
- Кесине оноу эте билмеген, халкъына да эте билмез.
- Билмезни кёзю кёрмез, этмезни къулагъы эшитмез.
- Ачылгъан эт джабылыр, кёрген кёз унутмаз.
- Атадан ёксюз – бир ёксюз, анадан ёксюз – эки ёксюз.
- Билгенни къолу къарны джандырыр.
- Чакъырылмай келген къонакъ сыйланмай кетер.
- Ышармагъан – кюлмез, кюлмеген – къууанчны билмез.
- Тамчы таш тешер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тик ёргени, тик энгишгеси да болады.
- Сибиртки да сыйлы болду, кюрек да кюнлю болду.
- Тойгъан антын унутур.
- Ата джурт – алтын бешик.
- Джогъун бар этген, барын бал этген.
- Ана къойну – балагъа джандет.
- Сууда джау джокъ, кёб сёзде магъана джокъ.
- Къозулугъунда тоймагъан, къойлугъунда тоймаз.
- Тойгъанлыкъ къойгъа джарашады.
- Адамны аманы адамны бети бла ойнар.
- Ашлыкъны арба юйге келтирир, чана базаргъа элтир.
- Зар адамны насыбы болмаз.
- Акъыл бла адеб эгизледиле.
- Къарны аманнга къазан такъдырма, къолу аманнга от джакъдырма.
- Адамны сабийин сюйген джюреги, бычакъча, джитиди.
- Тешигини къатында, чычхан да батыр болур.
- Суугъа – таянма, джаугъа – ийнанма.
- Урама да – ёледи, сатама да – келеди.
- Оюмсуз атлагъан, аджалсыз ёлюр.
- Чакъырылмагъан къонакъ – орунсуз.
- Ауругъанны сау билмез, ач къарынны токъ билмез.
- Кёб ант этген, кёб ётюрюк айтыр.
- Иги сеники эсе да, сюйген кесимикин этеме.
- Биреуню къыйынлыгъы бла кесинге джол ишлеме.
- Баргъанынга кёре болур келгенинг.
- Байны къызы баймакъ болса да, юйде къалмаз!
- Душманны тышы – акъ, ичи – къара.
- Эринчекни эр алмаз, эр алса да, кёл салмаз, кёл салса да, кёб бармаз!
- Окъугъанны бети джарыкъ.
- Эркишини аманы тиширыуну джылатыр.
- Зар адам ашынгы ашар, кесинги сатар.
- Кийимни бичсенг, кенг бич, тар этген къыйын тюлдю.
- Юйюнг бла джау болгъандан эсе, элинг бла джау бол.
- Кечеси – аяз, кюню – къыш, джарлы къаргъагъа бир аш тюш!
- Сабийликде юретмесенг, уллу болса – тюзелмез.
- Минг тенг да азды, бир джау да кёбдю.
- Джюрек кёзден алгъа кёрюр.
- Къазанда болса, чолпугъа чыгъар.
- Ишни ахырын ойламай, аллын башлама.
- Бети къызарыучу адамны, джюреги харам болмаз.
[ Закрыто ] Келигиз тауча жырла жырлайыкъ!
Читают тему (гостей: 1)