- Ата – баланы уясы.
- Акъыл сабырлыкъ берир.
- Бичгенде ашыкъма, тикгенде ашыкъ.
- Телиге от эт десенг, юйюнге от салыр.
- Ишни аллы бла къууанма да, арты бла къууан.
- Тойгъа алгъа да барма, тойда артха да къалма.
- Тенгинг джокъ эсе – изле, бар эсе – сакъла!
- Биреуге аманлыкъны тилеме да, кесинге ашхылыкъны тиле.
- Баланы адам этген анады.
- Битмегеннге сакъал – танг.
- Ач къалгъандан, кеч къалгъан къолай.
- Чомартны къолун джокълукъ байлар.
- Ата – билек, ана – джюрек!
- Терек ауса, отунчу – кёб.
- Эм ашхы къайын ана мамукъ бла башынгы тешер.
- Тюзню ётмеги тюзде къалса да, тас болмаз.
- Аурууну келиую тынч, кетиую – къыйын.
- Эри аманны, къатыны – аман.
- Ариуну – ауруу кёб.
- Алим болгъандан эсе, адам болгъан къыйынды.
- Джюз элде джюз ёгюзюм болгъандан эсе, джюз джууугъум болсун.
- Юйюнгден чыкъдынг – кюнюнгден чыкъдынг.
- Джангыз терек къынгыр ёсер.
- Эл тойса, тоймагъан, эл къойса, къоймагъан.
- Иги сёз – джаннга азыкъ, аман сёз башха – къазыкъ.
- Сескекли кесин билдирир.
- Билмезни кёзю кёрмез, этмезни къулагъы эшитмез.
- Арба аугъандан сора, джол кёргюзтюучю кёб болур.
- Эки ойлашыб, бир сёлешген.
- Бюгюн дуния кибик, тамбла ахыратды.
- Мадар болса, къадар болур.
- Джарлы тюеге минсе да, ит къабар.
- Эки къатын алгъанны къулагъы тынгнгаймаз.
- Ана – юйню кюн джарыгъы.
- Ёмюрлюк шохлукъну джел элтмез.
- Тойгъандан сора, ашны сёкме.
- Нёгер болсанг, тенг бол, тенг болмасанг, кенг бол.
- Ётюрюк хапар аякъ тюбю бла джюрюйдю.
- Къыйынлы джети элни къайгъысын этер.
- Атынг аманнга чыкъгъандан эсе, джанынг тамагъынгдан чыкъсын.
- Тюз сёз баргъан сууну тыяр.
- Бёрю да ач къалмасын, эчки да ашалмасын.
- Гырджын – тепсини тамадасы.
- Билмейме деген – бир сёз
- Аман киши кеси юйюнде – къонакъ.
- Тели турса – той бузар.
- Азыкъ аз болса, эртде орун сал.
- Эки элинги тыйсанг, джети элде махталырса.
- Иги адамны бир сёзю эки болмаз.
- Ишленмеклик адамлыкъды.
[ Закрыто ] Лучше поздно чем никогда! Мертвой Голове посвяшается:)
Читают тему (гостей: 1)