Адам туугъан джеринде, ит тойгъан джеринде.
Ишленмеген джаш – джюгенсиз ат, ишленмеген къыз – тузсуз хант.
Билимден уллу байлыкъ джокъду.
Акъылсызны джууукъгъа алма, акъыллыны кенгнге салма.
Байлыкъ адамны сокъур этер.
Чыбыкълыкъда бюгюлмеген, къазыкълыкъда бюгюлмей эди.
Элни кючю – эмеген.
Рысхы джалгъанды: келген да этер, кетген да этер.
Ашхы адам – халкъ байлыгъы, ашхы джер – джашау байлыгъы.
Кёкдеги болмаса, джердегин кёрмейди.
Джыйырма къойну юч джыйырма эбзе кюте эди.
Джангызны оту джарыкъ джанмаз!
Къуру гыбыт бек дыгъырдар.
Кенгеш болса, уруш болмаз.
Джарашыу сюйген – джалынчакъ.
Сескекли кесин билдирир.
Ач къалгъандан, кеч къалгъан къолай.
Туз, гырджын аша, тюзлюк бла джаша.
Биреуню къыйынлыгъы бла кесинге джол ишлеме.
Аллахха ийнаннган кишини, Аллах онгдурур ишин.
Къартны бурнун сюрт да, оноугъа тут.
Къатыны харакетли болса, эри къымсыз болур.
Эри аманны, къатыны – аман.
Бастасын ашагъан, хантусун да ичер.
Къонакъ аз олтурур, кёб сынар.
Гитче джилтин уллу элни джандырыр.
Кёпюр салгъан кеси ётер, уру къазгъан кеси кетер.
Эркишини аманы тиширыуну джылатыр.
Тойгъан джерге джети къайт.
Дженгил джетерикме деб, узун джолну къоюб, къысхасын барма.
Ауурну тюбю бла, дженгилни башы бла джюрюген.
Юйюнгден чыкъдынг – кюнюнгден чыкъдынг.
Эли джокъну – кёлю джокъ.
Ишге юренсин къоллары, халкъ бла болсун джоллары.
Арба аугъандан сора, джол кёргюзтюучю кёб болур.
Арбаз къынгырды да, ийнек сауалмайма.
Ханнга да келеди хариблик.
Агъач халкъгъа алтынды, иссиликге салкъынды.
Аманны тукъумуна къарама, игини тукъумун сорма.
Ана – юйню кюн джарыгъы.
Биреуге аманлыкъ этиб, кесинге игилик табмазса.
Сакъ юйюне сау барыр.
Терслик кетер, тюзлюк джетер.
Кесине оноу эте билмеген, халкъына да эте билмез.
Атлыны кёрсе, джаяуну буту талыр.
Ёзденликни джайгъан – джокълукъ.
Халкъны юйю – туугъан джери.
Ашлыкъ – бюртюкден, джюн – тюкден.
Адебсиз адам – джюгенсиз ат.
Чалманны аллы къалай башланса, арты да алай барады.
