- Къарнынг ауруса, ауузунгу тый
- Джумушакъ терекни къурт ашар.
- Оюмсуз атлагъан, аджалсыз ёлюр.
- Кёбден умут этиб, аздан къуру къалма.
- Билим насыб берир, билим джолну керир.
- Рысхы – сют юсюнде кёмюк кибикди.
- Биреуге кёлтюрген таягъынг, кесинги башынга урур.
- Акъыл къартда, джашда тюйюлдю – башдады.
- Кёзюнде тереги болгъан, чёбю болгъаннга кюле эди.
- Адамны бетине къарама, адетине къара.
- Окъдан джара эртде-кеч болса да бителир, сёз джара, ёмюрге къалыр.
- Бёрю да ач къалмасын, эчки да ашалмасын.
- Азыкълы ат арымаз, къатыны аман джарымаз.
- Къонагъынгы артмагъын алма да, алгъышын ал.
- Абынмазлыкъ аякъ джокъ, джангылмазлыкъ джаякъ джокъ.
- Хантына кёре тузу, юйюне кёре къызы.
- Нафысынгы айтханын этме, намысынгы айтханын эт.
- Къарны аманнга къазан такъдырма, къолу аманнга от джакъдырма.
- Татлы сёз – балдан татлы.
- Кёпюр салгъан кеси ётер, уру къазгъан кеси кетер.
- Аман хансны – урлугъу кёб.
- Игини сыйлагъан адетди.
- Джиби бир къат джетмей эди да, эки къат тарта эди.
- Джарлы тюеге минсе да, ит къабар.
- Ёлген аслан – сау чычхан.
- Къар – келтирди, суу – элтди.
- Эл элде бирер малынг болгъандан эсе, бирер тенгинг болсун.
- Аллахдан тилесенг, кёб тиле.
- Тура эдим джата, къайдан чыкъды хата?
- Сангырау къулакъ эл бузар.
- Билмезни кёзю кёрмез, этмезни къулагъы эшитмез.
- Тил – миллетни джаны.
- Ариу – кёзге, акъыл – джюрекге.
- Эшекни не къадар тюйсенг да, ат болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Иги болса, тамадама – махтау, аман болса, меннге – айыб.
- Ётген ёмюр – акъгъан суу.
- Нарт сёз къарт болмаз.
- Тюкюрюк баш джармаз, налат кёз чыгъармаз!
- Келинни – келгинчи, бёркню кийгинчи кёр.
- Эл бла кёргенинг эрелей.
- Чакъырылгъанны аты, чакъырылмагъанны багъасы болур.
- Къобан да къуру да къобханлай турмайды, адам да къуру да патчахлай турмайды.
- Тай асырагъан, атха минер.
- Ата – баланы уясы.
- Рысхысына кёре, джаш ёсер, къышлыгъына кёре, мал ёсер.
- Тойгъанлыкъ къойгъа джарашады.
- Къыйынлы джети элге оноу этер.
- Aдам боллукъ, сыфатындан белгили.
- Азыгъы аз, алгъа къабар, аты аман, алгъа чабар.
Садакъ
Читают тему (гостей: 1)