- Баш болса, бёрк табылыр.
- Урама да – ёледи, сатама да – келеди.
- Адам туугъан джеринде, ит тойгъан джеринде.
- Ач, тоймам, дейди, тойгъан, ач болмам, дейди.
- Аурууну келиую тынч, кетиую – къыйын.
- Чомарт къолда мал къалмаз.
- Ойнаб айтсанг да, эслеб айт.
- Ёлген аслан – сау чычхан.
- Ата Джуртуму башы болмасам да, босагъасында ташы болайым.
- Кирсизни – саны таза, халалны – къаны таза.
- Ауузу аманнга «иги», деме.
- Айраннга суу къош, телиге джол бош.
- Къууут – джелге, берне – бошха.
- Уруну арты – къуру.
- Иги сеники эсе да, сюйген кесимикин этеме.
- Тёгюлген тюгел джыйылмайды.
- Тешик этген тынчды, аны джамагъан къыйынды.
- Адамны джюреги нени кёрюрге сюйсе, кёзю да аны кёрюрге ёч болады.
- Айран тёгюлсе, джугъусу къалыр.
- Ач уят къоймаз.
- Миллетни бойну – базыкъ, аны бла кюрешген – джазыкъ.
- Башда акъыл болмаса, эки аякъгъа кюч джетер.
- Мал ёлсе, сюек къалыр, адам ёлсе, иши къалыр.
- Накъырда – кертини келечиси.
- Харам къарнашдан, халал тенг ашхы.
- Къолу уллу – асыу, аягъы уллу – джарсыу.
- Къыйынлы джети элге оноу этер.
- Этим кетсе да, сюегим къалыр.
- Уллу сёзде уят джокъ.
- Аманнга алтын чыдамаз.
- Джашынгы кесинг юретмесенг, джашау юретир.
- Чабакъсыз кёлге къармакъ салгъанлыкъгъа, чабакъ тутмазса.
- Тюкюрюк баш джармаз, налат кёз чыгъармаз!
- Тели турса – той бузар.
- Аз сёлеш, кёб ишле.
- Джылар джаш, атасыны сакъалы бла ойнар.
- Ишлерге уял да, ашаргъа табма.
- Эртде тургъан бла эртде юйленнген сокъуранмаз.
- Ачыу алгъа келсе, акъыл артха къалады.
- Уллу суу бла уллу ауруудан башынгы сакъла.
- Таугъа чыгъаллыкъ эсенг, тюзде къалма.
- Тулпарлыкъ, билекден тюл – джюрекден.
- Ата Джуртун танымагъан, атасын да танымаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Кийим тукъум сордурур.
- Намысы болмагъанны, сыйы болмаз.
- Къарнынг бла ёч алма.
- Аш кетер да бет къалыр.
- Акъдан къара болмаз.
- Тиширыусуз юй – отсуз от джагъа.
ДЕМОКРАТИЯ - КУФР И ШАРИАТ ИБЛИСА (Шейх Сами аль Араби)
Читают тему (гостей: 1)