- Джарашыу сюйген – джалынчакъ.
- Къан бла кирген, джан бла чыгъар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Бозанг болмагъан джерге, къалагъынгы сукъма.
- Джеринден айырылгъан – джети джылар, джуртундан айырылгъан – ёлгюнчю джылар.
- Ёлюр джаннга, ёкюл джокъ.
- Къозулугъунда тоймагъан, къойлугъунда тоймаз.
- Кёзюнде тереги болгъан, чёбю болгъаннга кюле эди.
- Байлыкъдан саулукъ ашхыды.
- Адеби болмагъан къыз – тузсуз хант.
- Таш бла ургъанны, аш бла ур.
- Акъыл неден да кючлюдю.
- Шекер бла туз – бир болмаз, ушамагъан – юй болмаз.
- Кютгени беш эчки, сызгъыргъаны уа, джерни джарады.
- Аман эсирсе, юйюн ояр.
- Насыблы элин сюер, насыбсыз кесин сюер.
- Ургъан суудан башынгы сакъла.
- Башынга джетмегенни сорма.
- Тюзню ётмеги тюзде къалса да, тас болмаз.
- Баш – акъыл ючюн, акъылман – халкъ ючюн.
- Ариу сёз аурууунгу алыр.
- Агъач халкъгъа алтынды, иссиликге салкъынды.
- Къонакъ аман болса, къонакъбай джунчур
- Кийимни бир кюнню аясанг, минг кюннге джарар.
- Атлыны ашхысы, ат тизгининден билинир
- Игилик игилик бла сингдирилиучю затды.
- Бойнуму джети джерден кессенг да, мен ол ишни этеллик тюлме.
- Ишлемеген – тишлемез.
- Аман адам этегингден тутса, кес да къач.
- Сескекли кесин билдирир.
- Ашарыкъда сайлагъаннга – чий гырджын.
- Джаш болсун, къыз болсун, акъылы, саны тюз болсун.
- Къазанчы аман болса, къазаны къайнамаз.
- Джырчы ёлсе, джыры къалыр.
- Сакъламагъан затынга джолукъсанг, не бек къууанаса, не бек ачыйса.
- Ашха уста, юйюнде болсун
- Ауузу аманнга «иги», деме.
- Таукелге нюр джауар.
- Бастасын ашагъан, хантусун да ичер.
- Кёбге таш атма.
- Орундукъ тюбюнде атылсам да, орта джиликме, де да айлан.
- Минг тенг да азды, бир джау да кёбдю.
- Аманнга алтын чыдамаз.
- Бал ашаргъа сюе эсенг, чибин ургъаннга тёз.
- Ач, тоймам, дейди, тойгъан, ач болмам, дейди.
- Ёзденликни джайгъан – джокълукъ.
- Бичгенде ашыкъма, тикгенде ашыкъ.
- Юйюнгден чыкъдынг – кюнюнгден чыкъдынг.
- Хаухну атма, ёнгкючню сатма.
- Эки ойлашыб, бир сёлешген.
Срочная помощь больному лейкозом
Читают тему (гостей: 1)