- Бойнуму джети джерден кессенг да, мен ол ишни этеллик тюлме.
- Мал ёлсе, сюек къалыр, адам ёлсе, иши къалыр.
- Туз, гырджын аша, тюзлюк бла джаша.
- Таш бла ургъанны, аш бла ур.
- Минг тенг да азды, бир джау да кёбдю.
- Къонакъны къачан кетерин сорма, къачан келлигин сор.
- Къонагъынгы артмагъын алма да, алгъышын ал.
- Азыкъ аз болса, эртде орун сал.
- Бюгюн дуния кибик, тамбла ахыратды.
- Ашхы адам – халкъ байлыгъы, ашхы джер – джашау байлыгъы.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Чарсда алчыны эл кёреди.
- Акъыллы эркиши атын махтар, акъылсыз эркиши къатынын махтар.
- Джетген къыз джерли эшекни танымаз.
- Айран тёгюлсе, джугъусу къалыр.
- Аманны къуугъан, аманлыкъ табар.
- Ач къарным, тынч къулагъым.
- Мураты болгъанны джюрек тебюую башхады.
- Узун джолну барсанг, бюгюн келирсе, къысха джолну барсанг, тамбла келирсе.
- Эте билген, этген этеди, эте билмеген, юретген этеди!
- Аманны тукъумуна къарама, игини тукъумун сорма.
- Къыз келсе, джумуш эте келеди, къатын келсе, ушакъ эте келеди.
- Къонакъ аз олтурур, кёб сынар.
- Татлы тилде – сёз ариу, чемер къолда – иш ариу.
- Ариу сёз – джаннга азыкъ, аман сёз – башха къазыкъ.
- Алтыннга тот къонмаз.
- Ёзденликни кёбю ётюрюк.
- Бети – къучакълар, джюреги – бычакълар.
- Уясында не кёрсе, учханында аны этер.
- Эл тойса, тоймагъан, эл къойса, къоймагъан.
- Халкъгъа джарагъан, джарлы къалмаз.
- Тешигини къатында, чычхан да батыр болур.
- Ашда уялгъан – мухар, ишде уялгъан – хомух.
- Ишлегенден, къарагъан уста.
- Къарт бла баш аша, джаш бла аякъ аша.
- Билимли ёлмез, билимсиз кёрмез.
- Бир абыннган – минг сюрюнюр.
- Аджашханны ызындагъы кёреди, джангылгъанны джанындагъы биледи.
- Алма терегинден кери кетмез.
- Эллинг бла джау болсанг да, юйюнг бла джау болма.
- Дуния аламаты сен эсенг да, игиме деб айтма.
- Айныгъанлы алты кюн, тогъайгъанлы тогъуз кюн.
- Аджалсыз ёлюм болмаз.
- Кёзюнде тереги болгъан, чёбю болгъаннга кюле эди.
- Кёб джат да, бек чаб.
- Аман къатын алгъан, арыр, иги къатын алгъан джарыр.
- Атынг аманнга чыкъгъандан эсе, джанынг тамагъынгдан чыкъсын.
- Акъыллы башны – тили къысха.
- Кёб джашагъан – кёб билир.
- Эри аманны, къатыны – аман.
ШЕЙХ ХАЛИД АР-РОШИД - "ПОСЛАНИЕ К СЛУШАЮЩЕМУ МУЗЫКУ"
Читают тему (гостей: 1)