- Кесинг сынамагъан затны, адамгъа буюрма.
- Кёл – къызбай, къол – батыр.
- Адамны джюреги нени кёрюрге сюйсе, кёзю да аны кёрюрге ёч болады.
- Аурууну келиую тынч, кетиую – къыйын.
- Джангызны оту джарыкъ джанмаз!
- Уллу сёлешме да, уллу къаб.
- Аман адам этегингден тутса, кес да къач.
- Эки элинги тыйсанг, джети элде махталырса.
- Чомартны къолун джокълукъ байлар.
- Асхат ашлыкъ сата, юйдегиси ачдан къата.
- Айырылгъанланы айю ашар, бёлюннгенлени бёрю ашар.
- Ат да турмайды бир териде.
- Къобан да къуру да къобханлай турмайды, адам да къуру да патчахлай турмайды.
- Джиби бир къат джетмей эди да, эки къат тарта эди.
- Гыдай эчки суугъа къараб, мюйюзле кёрмесе, джашма алкъын, дегенди.
- Тёзген – тёш ашар!
- Бети бедерден, намыс сакълама.
- Джангыз терек къынгыр ёсер.
- Къолу уллу – асыу, аягъы уллу – джарсыу.
- Ачыкъ джюрекге джол – ачыкъ.
- Тойгъанлыкъ къойгъа джарашады.
- Керек ташны ауурлугъу джокъ.
- Хазыр ашха – терен къашыкъ.
- Ариуну – ауруу кёб.
- Эркиши – от, тиширыу – суу.
- Ханы къызы буюгъа-буюгъа киштик болду.
- Арбаз къынгырды да, ийнек сауалмайма.
- Аманнга игилик этсенг, юйюнге сау бармазса.
- Кёзю сокъурдан – къоркъма, кёлю сокъурдан – къоркъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бети – къучакълар, джюреги – бычакълар.
- Тешик этген тынчды, аны джамагъан къыйынды.
- Халкъны джырын джырласанг, халкъ санга эжиу этер.
- Кесине гебен этелмеген, биреуге черен эте эди.
- Бойнуму джети джерден кессенг да, мен ол ишни этеллик тюлме.
- Айтылгъан сёз ызына къайтмаз.
- Адамны аманы адамны бети бла ойнар.
- Баланы адам этген анады.
- Аманнга алтын чыдамаз.
- Аман къатын алгъан, арыр, иги къатын алгъан джарыр.
- Джаш къарыу бла кючлю, къарт акъыл бла кючлю.
- Къонакъ аман болса, къонакъбай джунчур
- Кёбню кёрген – кёб билир.
- Ургъан суудан башынгы сакъла.
- Эр абынмай, эл танымаз.
- Чакъырылмагъан джерге барма, чакъырылгъан джерден къалма.
- Аякъларынгы джууургъанынга кёре узат.
- Джарашыу сюйген – джалынчакъ.
- Ач да бол, токъ да бол – намысынга бек бол.
- Тил бла келеди джыр да.
[ Закрыто ] Правила Форума
Читают тему (гостей: 1)