- Кёлю джокъну – джолу джокъ.
- Хата – гитчеден.
- Ата джурт – алтын бешик.
- Адеб этмеген, адеб кёрмез.
- Ишлемеген – тишлемез.
- Кютгени беш эчки, сызгъыргъаны уа, джерни джарады.
- Тойгъан джерден туугъан джер игиди.
- Тешик этген тынчды, аны джамагъан къыйынды.
- Ёлюр джаннга, ёкюл джокъ.
- Арба аугъандан сора, джол кёргюзтюучю кёб болур.
- Хансыз джомакъ болмаз.
- Джетген къыз джерли эшекни танымаз.
- Сабий болмагъан джерде, мёлек болмаз.
- Киштикге къанат битсе, чыпчыкъ къалмаз эди.
- Окъ къызбайны джокълайды.
- Иги джашны ышаны – аз сёлешиб, кёб тынгылар.
- Джырчы джырчыгъа – къарнаш.
- Шекер бла туз – бир болмаз, ушамагъан – юй болмаз.
- Акъыллы башны – тили къысха.
- Акъыллы – эл иеси, тели – эл баласы.
- Эл ауузу – элек, анга ийнаннган – халек.
- Ёгюзню мюйюзюнден тутадыла, адамны сёзюнден тутадыла.
- Таула не мийик болсала да, аууш табылыр.
- Босагъа таш юйге кирмей эди, тыбыр таш эшикге чыкъмай эди.
- Урама да – ёледи, сатама да – келеди.
- Аджашхан тёгерек айланыр.
- Бал ашаргъа сюе эсенг, чибин ургъаннга тёз.
- Билимден уллу байлыкъ джокъду.
- Сагъыш – къартлыкъгъа сюйюмчю.
- Дуния мал дунияда къалады.
- Хунаны тюбюн къазсанг, юсюнге ауар.
- Къонакъ аман болса, къонакъбай джунчур
- Эркишиге тары кебек танг кёрюнюр.
- Эринчекге кюн узун.
- Бозанг болмагъан джерге, къалагъынгы сукъма.
- Акъыл бла адеб эгизледиле.
- Джаханимни кёрмей, джандетге кёл салмазса.
- Ашатыргъа иш – ашхы, ишлетирге аш – ашхы.
- Ашхылыкъ джерде джатмайды, аманлыкъ суугъа батмайды.
- Тай асырагъан, атха минер.
- Билими азны – ауузунда кирит.
- Тулпарлыкъ, билекден тюл – джюрекден.
- Накъырда – кертини келечиси.
- Уллу суу бла уллу ауруудан башынгы сакъла.
- Ушамагъан – джукъмаз.
- Джыгъылгъанны сырты джерден тоймаз.
- Аууз сакълагъан – джан сакълар.
- Ат да турмайды бир териде.
- Арбаз къынгырды да, ийнек сауалмайма.
- Ашына кёре табагъы, балына кёре къалагъы.
Помним
Читают тему (гостей: 1)