- Мураты болгъанны джюрек тебюую башхады.
- Айран тёгюлсе, джугъусу къалыр.
- Тюз сёз баргъан сууну тыяр.
- Миллетни бойну – базыкъ, аны бла кюрешген – джазыкъ.
- Джиби бир къат джетмей эди да, эки къат тарта эди.
- Тил – миллетни джаны.
- Огъурлуну сёзю – суу, огъурсузну сёзю – уу.
- Сёз къанатсыз учар.
- Акъдан къара болмаз.
- Джырчы ёлсе, джыры къалыр.
- Сагъыш – къартлыкъгъа сюйюмчю.
- Эл элде бирер малынг болгъандан эсе, бирер тенгинг болсун.
- Атлыны ашхысы, ат тизгининден билинир
- Хар зат кесини орнуна иги.
- Аман киши кеси юйюнде – къонакъ.
- Намыс сатылыб алынмайды.
- Биреуге аманлыкъ этиб, кесинге игилик табмазса.
- Тюкюрюк баш джармаз, налат кёз чыгъармаз!
- Къарыусузгъа кюлме, онгсузгъа тийме.
- Мадар болса, къадар болур.
- Къызын тута билмеген, тул этер, джашын тута билмеген, къул этер.
- Узун джолну барсанг, бюгюн келирсе, къысха джолну барсанг, тамбла келирсе.
- Эр абынмай, эл танымаз.
- Эки итни арасына сюек атма, эки адамны арасында сёз чыгъарма.
- Бир онгсуз адам адет чыгъарды, деб эштирик тюлсе.
- Аурууну келиую тынч, кетиую – къыйын.
- Къарнынг ауруса, ауузунгу тый
- Бет бетге къараса, бет да джерге къарар.
- Эрине къаргъыш этген къатын, эрнин къабар.
- Накъырданы арты керти болур.
- Аман эсирсе, юйюн ояр.
- Билим ат болуб да чабар, къуш болуб да учар.
- Айранын берсенг, челегин да къызгъанма.
- Джюз элде джюз ёгюзюм болгъандан эсе, джюз джууугъум болсун.
- Кёзюнде тереги болгъан, чёбю болгъаннга кюле эди.
- Ариу сёз джыланны орнундан чыгъарыр.
- Таукел къуру къалмаз.
- Итли къонакъ джарашмаз.
- Чабакъсыз кёлге къармакъ салгъанлыкъгъа, чабакъ тутмазса.
- Аман адам элни бир-бирине джау этер.
- Ариу сёз аурууунгу алыр.
- Ашхы тенг джолгъа салыр, аман тенг джолдан тайдырыр.
- Джумушакъ сёз къаты таякъны сындырыр.
- Башда акъыл болмаса, эки аякъгъа кюч джетер.
- Гугук кесини атын айтыб къычыргъанча, мен, мен деб нек тураса?
- Аманны эки битли тону болур, бирин сеннге кийдирир, бирин кеси киер.
- Ашда уялгъан – мухар, ишде уялгъан – хомух.
- Уллу айтханны этмеген – уллаймаз.
- Мал тутхан – май джалар.
- Къобан да къуру да къобханлай турмайды, адам да къуру да патчахлай турмайды.
Къайгъысыз джашлыкъны сандрагъы
25.10.2011 21:31:36
Sagal
Арыб-талыб, излеб табалмайд къарыуун! |
|
|
|
25.10.2011 21:55:10
|
|
|
|
25.10.2011 23:22:26
Сауболугъуз!
|
|
|
|
25.10.2011 23:28:24
Эндиги назмуму къарнашымы сыйына атаб джазгъанма.
Къарнашха аталгъан сюймекликден сыйлы сюймеклик болмаз!!! |
|
|
|
26.10.2011 06:15:09
Sagal
Къайгъысыз джашлыкъны сандЫрагъы Энди былайгъа орусча бир сёз къошмай, бу халда бардырсанг - аламат. Сёзледе халат джиберме, джангылмаз ючюн сёзлюкге да къарай тур. Назмуну рифмасын кючлю эт, тизгинледе бёлюмле тенгиширек болсунла, ритми бузулмасын. Силлабо-тоника ёлче бла джазаргъа тюзелсенг - бек игиси олду. Бир-эки орус назмуну бизни тилге кёчюргенлей - тюзелликсе. "Онегин добрый мой приятель" - къуру бу тизгинни магъанасын, сёзледе басымны да бузмай, бизни тилге бир кёчюр. http://www.stihi.ru/uchebnik/ Былайгъа да кёз джетдир. Не ючюн кюрешеме быланы барын да айтыб? Сен иги назмула джазаллыкъса да - аны ючюн. Джаза бер - мен окъуучунг, критигинг да болгъанлай турлукъма. Джазыучугъа андан бек не керекди? |
|
|
|
Читают тему (гостей: 1)