- Ханы къызы буюгъа-буюгъа киштик болду.
- Гугук кесини атын айтыб къычыргъанча, мен, мен деб нек тураса?
- Ёксюзню къалачы уллу кёрюнюр.
- Джюрекге ариу – кёзге да ариу.
- Джангыз торгъай джырламаз.
- Тилсиз миллет джокъ болур.
- Агъач – джерни чырайы, кийим – эрни чырайы.
- Адебни адебсизден юрен.
- Эркишини аманы тиширыуну джылатыр.
- Нёгер болсанг, тенг бол, тенг болмасанг, кенг бол.
- Экеу тутушса, биреу джыгъылыр.
- Дженгил джетерикме деб, узун джолну къоюб, къысхасын барма.
- Ойнай билмеген, оюн бузар.
- Агъач халкъгъа алтынды, иссиликге салкъынды.
- Акъыллы эркиши атын махтар, акъылсыз эркиши къатынын махтар.
- Къыз чыгъаргъан – къызыл къымжа.
- Чомартны къолу берекет.
- Зарда марда джокъ.
- Эртде тургъан бла эртде юйленнген сокъуранмаз.
- Джумушакъ терекни къурт ашар.
- Суу да къайтады чыкъгъан джерине.
- Къызны минг тилер, бир алыр.
- Джашда акъыл джокъ, къартда къарыу джокъ.
- Ёлген эшек бёрюден къоркъмайды.
- Юреннген ауруу къалмаз.
- Кийим тукъум сордурур.
- Керти сёзге тёре джокъ.
- Джырчы ёлсе, джыры къалыр.
- Тиширыусуз юй – отсуз от джагъа.
- Иги джашны ышаны – аз сёлешиб, кёб тынгылар.
- Атадан ёксюз – бир ёксюз, анадан ёксюз – эки ёксюз.
- Киштикге къанат битсе, чыпчыкъ къалмаз эди.
- Мухарны эси – ашарыкъда.
- Биреуге аманлыкъны тилеме да, кесинге ашхылыкъны тиле.
- Мураты болгъанны джюрек тебюую башхады.
- Баргъанынга кёре болур келгенинг.
- Тойгъанлыкъ къойгъа джарашады.
- Байны оноуу, джарлыгъа джарамаз.
- Насыблы элин сюер, насыбсыз кесин сюер.
- Кёзден кетген, кёлден да кетеди.
- Ышармагъан – кюлмез, кюлмеген – къууанчны билмез.
- Аджал соруб келмез, келсе, къайтыб кетмез.
- Тёрде – темир таякълы, къаяда – чыпчыкъ аякълы.
- Къартны сыйын кёрмеген, къартлыгъында сыйлы болмаз.
- Ат басханны джер билед.
- Эки къатын алгъан – эки ташны ортасына башын салгъан.
- Терек ауса, отунчу – кёб.
- Этни да ашады, бетни да ашады.
- Ашхы болсанг, атынг чыгъар, аман болсанг, джанынг чыгъар.
- Ана къолу ачытмаз.
Сабийлеге къонакъгъа, келгендиле джомакъла!!!
12.12.2008 23:36:02
Девушка Гор
ай-хай эсибизде турсала уа дейд, ол джомакъла |
|
|
|
13.12.2008 01:01:36
Рамла
ай-хай эсибизде турсала уа дейд, ол джомакъла Бирге тюшюреик эсибизге унутханыбызны |
|
|
|
14.12.2008 02:11:28
Девушка Гор
МашаАллах, керти аламат, керек назмучукъ!!! |
|
|
|
14.12.2008 04:32:27
Девушка Гор
незнакомое окончание может кто ещё вариант подкинет или я после НГ с аула привезу))))) |
|
|
|
14.12.2008 22:24:01
Рамла
Сау болугъуз, ансын, кертида терсми джаздым деб сагъыш эте турама. |
|
|
|
14.12.2008 22:37:10
Девушка Гор
терс-тюз эсе да билмейме, алай а джаратдым, ма блайында уа кюлюб, джыгъылыб кете эдим аздан къалса : - Улакъчыкъ а къайдады? Къазанчыкъда къайнайды, |
|
|
|
16.12.2008 00:35:07
Рамла
"Кече джарыкъды, тёгерек шошду..." Тюзюн айтсам, эшитмегенме быллай джыр Аннядан сорургъа керекди |
|
|
|
16.12.2008 00:40:40
Кече джарыкъды
Тёгерек шошду Бир къайгъы этме,сен джукъла Мен да сакълайма сени джукъунгу Джукъла джаным, татлы джукъла! ... |
|
|
|
|
|
|
|
|
||||
|
|
|||
Читают тему (гостей: 1)