- Олтуруб кёрюнмей эди да, ёрге туруб кёрюне эди.
- Джогъун бар этген, барын бал этген.
- Адам туугъан джеринде, ит тойгъан джеринде.
- Уллу суу бла уллу ауруудан башынгы сакъла.
- Кютгени беш эчки, сызгъыргъаны уа, джерни джарады.
- Сёз сёзню айтдырыр.
- Мураты болгъанны джюрек тебюую башхады.
- Босагъагъа джууукъ орун болса, ашыгъыб тёрге озма.
- Эте билген, этген этеди, эте билмеген, юретген этеди!
- Джол бла сёзню къыйыры джокъ.
- Чомарт къолда мал къалмаз.
- Бозанг болмагъан джерге, къалагъынгы сукъма.
- Нёгерсизни джолу узун.
- Окъумагъан сокъурду, сокъур ташха абыныр!
- Билмегенинги, билгеннге сор.
- Тынгылагъан тынгы бузар.
- Таякъ этден ётер, тил сюекден ётер.
- Бичгенде ашыкъма, тикгенде ашыкъ.
- Джангызны оту джарыкъ джанмаз!
- Тойгъа алгъа да барма, тойда артха да къалма.
- Акъыллы айтыр эди, акъылсыз къоймайды.
- Эри аманны, къатыны – аман.
- Аман адам элни бир-бирине джау этер.
- Къонагъы джокъну – шоху джокъ.
- Ачлыкъ отха секиртир.
- Джыгъылгъанны сырты джерден тоймаз.
- Битмегеннге сакъал – танг.
- Аджашхан тёгерек айланыр.
- Артына баргъанны, къатына барма.
- Ёлюр джаннга, ёкюл джокъ.
- Бети бедерден, намыс сакълама.
- Хазыр ашха – терен къашыкъ.
- Джолда аягъынга сакъ бол, ушакъда тилинге сакъ бол.
- Къонакъ кёб келюучю юйню, къазаны отдан тюшмез.
- Ач бёрюге мекям джокъ.
- Байны къызы баймакъ болса да, юйде къалмаз!
- Тил – кесген бычакъ, сёз – атылгъан окъ.
- Джетген къыз джерли эшекни танымаз.
- Ауругъан – джашаудан умутчу.
- Биреуню эскиси биреуге джангы болмайды.
- Тели турса – той бузар.
- Телиге акъыл салгъандан эсе, ёлгеннге джан салырса.
- Итли къонакъ джарашмаз.
- Ишни ахырын ойламай, аллын башлама.
- Джеринден айырылгъан – джети джылар, джуртундан айырылгъан – ёлгюнчю джылар.
- Керти сёзге тёре джокъ.
- Аман эсирсе, юйюн ояр.
- Эркиши – от, тиширыу – суу.
- Ата джурт – алтын бешик.
- Билим къая тешер.
Футбол. 19.11.2011 Эльбрусоид-Байкал
Читают тему (гостей: 1)