- Къартны сыйын кёрмеген, къартлыгъында сыйлы болмаз.
- Къалгъан ишге къар джауар.
- Акъылсызны джууукъгъа алма, акъыллыны кенгнге салма.
- Акъыллы эркиши атын махтар, акъылсыз эркиши къатынын махтар.
- Акъыллы башны – тили къысха.
- Намыс болмагъан джерде, насыб болмаз.
- Окъуусуз билим – джокъ, билимсиз кюнюнг – джокъ.
- Ашда уялгъан – мухар, ишде уялгъан – хомух.
- Алгъанда – джууукъ, бергенде – джау.
- Хар адамгъа кеси миннген тау кибик.
- Къонакъ аман болса, къонакъбай джунчур
- Къар – келтирди, суу – элтди.
- Иги – алгъыш этер, аман – къаргъыш этер.
- Джетген къыз джерли эшекни танымаз.
- Ашарыкъда сайлагъаннга – чий гырджын.
- Аш берме да, къаш бер.
- Тил – кесген бычакъ, сёз – атылгъан окъ.
- Шайтан алдады, тюзлюк къаргъады.
- Къулакъдан эсе, кёзге ышан.
- Азыкълы ат арымаз, къатыны аман джарымаз.
- Ауурну тюбю бла, дженгилни башы бла джюрюген.
- Сютню башын джалагъан къутулур, тюбюн ичген тутулур.
- Дууулдаса – бал чибин, къонса – къара чибин.
- Нёгерсизни джолу узун.
- Къарнынг тойгъунчу аша да, белинг талгъынчы ишле.
- Юйлю уругъа ит чабмаз.
- Джашлыкъ этмеген, башлыкъ этмез.
- Бети – къучакълар, джюреги – бычакълар.
- Итли къонакъ джарашмаз.
- Аманнга алтын чыдамаз.
- Алим болгъандан эсе, адам болгъан къыйынды.
- Адамны аманы адамны бети бла ойнар.
- Ашда – бёрю, ишде – ёлю.
- Нарт сёз къарт болмаз.
- Тойгъа алгъа да барма, тойда артха да къалма.
- Аджашханны ызындагъы кёреди, джангылгъанны джанындагъы биледи.
- Юреннген ауруу къалмаз.
- Терек ауса, отунчу – кёб.
- Тыш элде солтан болгъандан эсе, кесинги элде олтан болгъан игиди!
- Чакъырылмагъан къонакъ тёрге атламаз.
- Сормай – алма, чакъырылмай – барма.
- Соргъан айыб тюлдю, билмеген айыбды.
- Тамырсыз терекге таянма – джыгъылырса.
- Тойгъандан сора, ашны сёкме.
- Биреуге кёлтюрген таягъынг, кесинги башынга урур.
- Джашда акъыл джокъ, къартда къарыу джокъ.
- Къазанда болса, чолпугъа чыгъар.
- Ашатыргъа иш – ашхы, ишлетирге аш – ашхы.
- Уясында не кёрсе, учханында аны этер.
- Кёзюнде тереги болгъан, чёбю болгъаннга кюле эди.
Малкъар уя
12.10.2011 19:04:55
|
|
|
|
14.10.2011 12:27:23
toni
Бек аламат ! Мундан ары да Аллах онг берсин ! Халкъыны сый берген адамгъа - МАХТАУ !!! |
||||
|
|
|||
Читают тему (гостей: 1)