- Бир онгсуз адам адет чыгъарды, деб эштирик тюлсе.
- Къар – келтирди, суу – элтди.
- Ач къалгъандан, кеч къалгъан къолай.
- Насыб бютеу халкъны юлюшюдю.
- Къатын байлыкъны сюер, эр саулукъну сюер.
- Адам боллукъ, атламындан белгили болур.
- Адамны джюреги нени кёрюрге сюйсе, кёзю да аны кёрюрге ёч болады.
- Ашатыргъа иш – ашхы, ишлетирге аш – ашхы.
- Уясында не кёрсе, учханында аны этер.
- Онгсузну – джакъла, тенгликни – сакъла.
- Байны къызы баймакъ болса да, юйде къалмаз!
- Тойну къарнашы – харс, джырны къарнашы – эжиу.
- Халкъгъа джарагъан, джарлы къалмаз.
- Шайтан алдады, тюзлюк къаргъады.
- Илму – джашауну джолу.
- Ханнга да келеди хариблик.
- Ётюрюкден тюбю джокъ, кёлтюрюрге джиби джокъ.
- Айырылмаз джууугъунга, унутмаз сёзню айтма.
- Юйюнгден чыкъдынг – кюнюнгден чыкъдынг.
- Насыблы элин сюер, насыбсыз кесин сюер.
- Къумурсхала джыйылсала, пилни да джыгъадыла.
- Ариу сёз – къылычдан джити.
- Тилчи бир сагъатха айлыкъ хата этер.
- Кёб джат да, бек чаб.
- Акъыл бла адеб эгизледиле.
- Чакъырылгъанны аты, чакъырылмагъанны багъасы болур.
- Къонагъынгы артмагъын алма да, алгъышын ал.
- Аманны эки битли тону болур, бирин сеннге кийдирир, бирин кеси киер.
- Кесине гебен этелмеген, биреуге черен эте эди.
- Ач келгенни – тойдур, кеч келгенни – къондур.
- Къолу уллу – асыу, аягъы уллу – джарсыу.
- Ётюрюк хапар аякъ тюбю бла джюрюйдю.
- Къая джолда джортма, ачыкъ сёзден къоркъма.
- Ачылгъан эт джабылыр, кёрген кёз унутмаз.
- Айранны сюйген, ийнек тутар.
- Башы ишлегенни, ауузу да ишлер.
- Эки элинги тыйсанг, джети элде махталырса.
- Эри аманны, къатыны – аман.
- Бозанг болмагъан джерге, къалагъынгы сукъма.
- Джумушакъ терекни къурт ашар.
- Таукелге нюр джауар.
- Тешигини къатында, чычхан да батыр болур.
- Бёрю да ач къалмасын, эчки да ашалмасын.
- Уллу сёзде уят джокъ.
- Мал кёб болса, джууукъ кёб болур.
- Намыс болмагъан джерде, насыб болмаз.
- Ётген ёмюр – акъгъан суу.
- Ач да бол, токъ да бол – намысынга бек бол.
- Алгъанда – джууукъ, бергенде – джау.
- Джолда аягъынга сакъ бол, ушакъда тилинге сакъ бол.
фамильная, родовая символика (гербы, тавр, тамги)
Читают тему (гостей: 1)