- Сёз къанатсыз учар.
- Джолда аягъынга сакъ бол, ушакъда тилинге сакъ бол.
- Нарт сёз къарт болмаз.
- Бети бедерден, намыс сакълама.
- Джерни букъусу кёкге къонмаз.
- Шайтан алдады, тюзлюк къаргъады.
- Ётген ёмюр – акъгъан суу.
- Зар адамны насыбы болмаз.
- Джюз элде джюз ёгюзюм болгъандан эсе, джюз джууугъум болсун.
- Баргъанынга кёре болур келгенинг.
- Сёз садакъдан кючлюдю.
- Тели турса – той бузар.
- Адеб джокъда, намыс джокъ.
- Аурууну келиую тынч, кетиую – къыйын.
- Тиширыусуз юй – отсуз от джагъа.
- Ойнаб айтсанг да, эслеб айт.
- Элде адам къалмаса, ит тахтагъа минер.
- Кёбден умут этиб, аздан къуру къалма.
- Тюзню ётмеги тюзде къалса да, тас болмаз.
- Эл ауузу – элек, анга ийнаннган – халек.
- Келинни – келгинчи, бёркню кийгинчи кёр.
- Кёбню кёрген – кёб билир.
- Къарнынг бла ёч алма.
- Кёбге таш атма.
- Хазыр ашха – терен къашыкъ.
- Тюзлюк шохлукъну бегитир.
- Тюкюрюк баш джармаз, налат кёз чыгъармаз!
- Адеби болмагъан къыз – тузсуз хант.
- Аш хазыр болса, иш харам болур.
- Ашхы болсанг, атынг чыгъар, аман болсанг, джанынг чыгъар.
- Ашда – бёрю, ишде – ёлю.
- Сабийликде юретмесенг, уллу болса – тюзелмез.
- Мадар болса, къадар болур.
- Аманны эки битли тону болур, бирин сеннге кийдирир, бирин кеси киер.
- Башсыз урчукъ тюзюне айланмаз.
- Айырылгъанланы айю ашар, бёлюннгенлени бёрю ашар.
- Огъурлуну сёзю – суу, огъурсузну сёзю – уу.
- Тилчи бир сагъатха айлыкъ хата этер.
- Къобан да къуру да къобханлай турмайды, адам да къуру да патчахлай турмайды.
- Билимден уллу байлыкъ джокъду.
- Биреуню тёрюнден, кесинги эшик артынг игиди.
- Кёпюр салгъан кеси ётер, уру къазгъан кеси кетер.
- Aдам боллукъ, сыфатындан белгили.
- Таякъ этден ётер, тил сюекден ётер.
- Эри аманны, къатыны – аман.
- Таукелге нюр джауар.
- Биреуге кёлтюрген таягъынг, кесинги башынга урур.
- Сёз сёзню айтдырыр.
- Хоншуну тауугъу къаз кёрюнюр, келини къыз кёрюнюр.
- Аман адам этегингден тутса, кес да къач.
- ЗФ - Искусство и литература
Темы |
Ответы | Просмотры | Обновление | |
---|---|---|---|---|
48 | 9609 | |||
Инженерная тема (
|
53 | 14550 | ||
1 | 2379 | |||
40 | 20979 | |||
0 | 1184 | |||
Heavy Metal Breakdown (
|
75 | 16451 | ||
3 | 2038 | |||
12 | 4573 | |||
Шедевры живописи (
|
249 | 19956 | ||
5 | 3303 | |||
5 | 2623 | |||
18 | 6245 | |||
NbNp советует посмотреть (
|
53 | 13567 | ||
106 | 20010 | |||
1 | 1367 | |||
Сейчас на форуме (гостей: 2)