- Ойнай билмеген, уруб къачар.
- Тешигини къатында, чычхан да батыр болур.
- Къар – келтирди, суу – элтди.
- Иги болса, тамадама – махтау, аман болса, меннге – айыб.
- Алма терегинден кери кетмез.
- Ышармагъан – кюлмез, кюлмеген – къууанчны билмез.
- Дженгил джетерикме деб, узун джолну къоюб, къысхасын барма.
- Айырылмаз джууугъунга, унутмаз сёзню айтма.
- Малны кют, джерни тюрт.
- Чабар ат – джетген къыз.
- Хатерли къул болур.
- Иши джокъну, сыйы джокъ.
- Телиге от эт десенг, юйюнге от салыр.
- Адамны бетине къарама, адетине къара.
- Акъыллы айтыр эди, акъылсыз къоймайды.
- Ойнай-ойнай кёз чыгъар.
- Бермеген къол, алмайды.
- Чомарт къолда мал къалмаз.
- Къаллай салам берсенг, аллай джууаб алырса.
- Атынг аманнга чыкъгъандан эсе, джанынг тамагъынгдан чыкъсын.
- Уллу къазанда бишген эт, чий къалмаз.
- Иесиз малны бёрю ашар.
- Чомарт къонакъ юй иесин сыйлар.
- Джолда аягъынга сакъ бол, ушакъда тилинге сакъ бол.
- Чомарт джарлы болмаз.
- Битмегеннге сакъал – танг.
- Зар адам ашынгы ашар, кесинги сатар.
- Джаралыны джастыгъында сау ёлюр.
- Ашарыкъда сайлагъаннга – чий гырджын.
- Кимни – тили, тиши онглу, кимни – къолу, иши онглу.
- Ханнга да келеди хариблик.
- Кюлме джашха – келир башха.
- Мадар болса, къадар болур.
- Дууулдаса – бал чибин, къонса – къара чибин.
- Къонагъынгы артмагъын алма да, алгъышын ал.
- Сабий болмагъан джерде, мёлек болмаз.
- Уллу суу бла уллу ауруудан башынгы сакъла.
- Джан саулукъ бермей, сан саулукъ бермезсе.
- Чакъырылмагъан къонакъ тёрге атламаз.
- Ач отунчуну ачыуу – бурнунда.
- Танг атмайма десе да, кюн къоярыкъ тюйюлдю.
- Ачны эсинде – аш.
- Бек ашыкъгъан меннге джетсин, дегенди аракъы.
- Уллу атлама – абынырса, уллу къабма – къарылырса.
- Чомартха хар кюн да байрамды.
- Ауурну тюбю бла, дженгилни башы бла джюрюген.
- Тюзню ётмеги тюзде къалса да, тас болмаз.
- Къазанда болса, чолпугъа чыгъар.
- Рысхы – сют юсюнде кёмюк кибикди.
- Адам боллукъ, атламындан белгили болур.
Ислам в Библии ? 200 пророчеств [для размышляющих обязательно!]
18.12.2010 01:00:44
|
|
|
|
Читают тему (гостей: 1)