- Чомартны къолу берекет.
- Нафысынгы айтханын этме, намысынгы айтханын эт.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъуусуз билим – джокъ, билимсиз кюнюнг – джокъ.
- Ашхы тенг джолгъа салыр, аман тенг джолдан тайдырыр.
- Ат да турмайды бир териде.
- Чакъырылмагъан къонакъ тёрге атламаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Алма терегинден кери кетмез.
- Эл тойса, тоймагъан, эл къойса, къоймагъан.
- Гугурук къычырмаса да, тангны атары къалмаз.
- Аджалсыз ёлюм болмаз.
- Айраннга суу къош, телиге джол бош.
- Айырылгъанланы айю ашар, бёлюннгенлени бёрю ашар.
- Зар адамны насыбы болмаз.
- Ана кёлю – балада, бала кёлю – талада.
- Джолда аягъынга сакъ бол, ушакъда тилинге сакъ бол.
- Ишге юренсин къоллары, халкъ бла болсун джоллары.
- Айтылгъан сёз ызына къайтмаз.
- Сёз – кюмюш, джыр – алтын.
- Ёлген эшек бёрюден къоркъмайды.
- Битмегеннге сакъал – танг.
- Чыбыкълыкъда бюгюлмеген, къазыкълыкъда бюгюлмей эди.
- Бал ашаргъа сюе эсенг, чибин ургъаннга тёз.
- Къарт бла баш аша, джаш бла аякъ аша.
- Къарны аманнга къазан такъдырма, къолу аманнга от джакъдырма.
- Эр сокъур болсун, къатын тилсиз болсун.
- Билмезни кёзю кёрмез, этмезни къулагъы эшитмез.
- Кечеси – аяз, кюню – къыш, джарлы къаргъагъа бир аш тюш!
- Билими азны – ауузунда кирит.
- Аллахдан тилесенг, кёб тиле.
- Накъырданы арты керти болур.
- Эрни эр этерик да, къара джер этерик да, тиширыуду.
- Адеб базарда сатылмаз.
- Ойнаб айтсанг да, эслеб айт.
- Ачны эсинде – аш.
- Ёгюзню мюйюзюнден тутадыла, адамны сёзюнден тутадыла.
- Бети къызарыучу адамны, джюреги харам болмаз.
- Уллу суу бла уллу ауруудан башынгы сакъла.
- Сескекли кесин билдирир.
- Башы джабылгъан челекге, кир тюшмез.
- Асхат ашлыкъ сата, юйдегиси ачдан къата.
- Рысхы – сют юсюнде кёмюк кибикди.
- Билим ат болуб да чабар, къуш болуб да учар.
- Тау башында, тау болмаз, джангыз терек, бау болмаз.
- Онгсузну – джакъла, тенгликни – сакъла.
- Окъуу – билимни ачхычы, окъуу – дунияны бачхычы.
- Аман адамны тепсинге олтуртсанг, къызынгы тилер.
- Аууз сакълагъан – джан сакълар.
- Кийимни бичсенг, кенг бич, тар этген къыйын тюлдю.
[ Закрыто ] Притча о двух младенцах
11.11.2010 10:52:06
эта притча и отрывок уже есть на форуме, поэтому тему закрываю, после же удалю, иншааЛлах
|
||||
|
|
|||
Читают тему (гостей: 1)