- Джолда аягъынга сакъ бол, ушакъда тилинге сакъ бол.
- Телиге акъыл салгъандан эсе, ёлгеннге джан салырса.
- Ач къалгъандан, кеч къалгъан къолай.
- Аллахдан тилесенг, кёб тиле.
- От кюйдюрген, сау болса да, тот кюйдюрген, сау болмаз.
- Элиб деген, элге болушур.
- Къобан да къуру да къобханлай турмайды, адам да къуру да патчахлай турмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Байдан умут эте, джарлыдан ёгюз багъасы къорады.
- Аз сёлешген, къайгъысыз турур.
- Адамны артындан къара сабан сюрме.
- Тил – миллетни джаны.
- Ауругъаннга – кийик саулукъ, джетген къызгъа – чилле джаулукъ.
- Аз айтсам, кёб ангылагъыз.
- Эр абынмай, эл танымаз.
- Тенгни тенглиги джашай барсанг билинир.
- Иги сёз – джаннга азыкъ, аман сёз башха – къазыкъ.
- Тешик этген тынчды, аны джамагъан къыйынды.
- Уллу суу бла уллу ауруудан башынгы сакъла.
- Алтыда кюлмеген, алтмышда кюлмез.
- Нёгер болсанг, тенг бол, тенг болмасанг, кенг бол.
- Ишлегенден, къарагъан уста.
- Ёмюрлюк шохлукъну джел элтмез.
- Азыкъ аз болса, эртде орун сал.
- Хунаны тюбюн къазсанг, юсюнге ауар.
- Сууда джау джокъ, кёб сёзде магъана джокъ.
- Чоюнну башы ачыкъ болса, итге уят керекди.
- Къазанда болса, чолпугъа чыгъар.
- Тели турса – той бузар.
- Аманнга да, игиге да оноусуз къатышма.
- Битмегеннге сакъал – танг.
- Ауузу аманнга «иги», деме.
- Чабар ат – джетген къыз.
- Аманны къуугъан, аманлыкъ табар.
- Махтаннган къыз, тойда джукълар.
- Экеулен сёлеше тура эселе, орталарына барыб кирме.
- Айыбны суу бла джууалмазса.
- Къыз тиширыу кеси юйюнде да къонакъды.
- Джумушакъ терекни къурт ашар.
- Кёб джашагъан – кёб билир.
- Адамны аты башхача, акъылы да башхады.
- Ачлыкъ отха секиртир.
- Ушамагъан – джукъмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Башы джабылгъан челекге, кир тюшмез.
- Билим ат болуб да чабар, къуш болуб да учар.
- Уллу сёзде уят джокъ.
- Игилик игилик бла сингдирилиучю затды.
- Адеби болмагъан къыз – тузсуз хант.
- Эки къатын алгъан – эки ташны ортасына башын салгъан.