- Ата – билек, ана – джюрек!
- Ишлегенде эринме, ишде чолакъ кёрюнме.
- Джигер – джаннга къыйынлыкъ.
- Тыш элде солтан болгъандан эсе, кесинги элде олтан болгъан игиди!
- Чакъырылгъанны аты, чакъырылмагъанны багъасы болур.
- Aдам боллукъ, сыфатындан белгили.
- Этим кетсе да, сюегим къалыр.
- Олтуруб кёрюнмей эди да, ёрге туруб кёрюне эди.
- Билгенни къолу къарны джандырыр.
- Аман къатын сабий табса, бий болур…
- Джарлы эскисин джамаса, къууаныр.
- От этилмеген джерден тютюн чыкъмайды.
- Арыгъан къош чамчы болур.
- Эркишиге тары кебек танг кёрюнюр.
- Атадан ёксюз – бир ёксюз, анадан ёксюз – эки ёксюз.
- Сескекли кесин билдирир.
- Иги болса, тамадама – махтау, аман болса, меннге – айыб.
- Ишни аллы бла къууанма да, арты бла къууан.
- Адамны сыфатына къарама, сёзюне къара.
- Ичимден чыкъды хата, къайры барайым сата?
- Къалгъан ишге къар джауар.
- Джашынгы кесинг юретмесенг, джашау юретир.
- Эр абынмай, эл танымаз.
- Биреуню къыйынлыгъы бла кесинге джол ишлеме.
- Джыйырма къойну юч джыйырма эбзе кюте эди.
- Билмезни кёзю кёрмез, этмезни къулагъы эшитмез.
- Билимден уллу байлыкъ джокъду.
- Аш иеси бла татлыды.
- Эл элде бирер малынг болгъандан эсе, бирер тенгинг болсун.
- Нарт сёз къарт болмаз.
- Берекет берсин деген джерде, берекет болур.
- Джахил болса анасы, не билликди баласы?
- Атлыны кёрсе, джаяуну буту талыр.
- Эллинг бла джау болсанг да, юйюнг бла джау болма.
- Накъырда – кертини келечиси.
- Ач къалгъандан, кеч къалгъан къолай.
- Ётюрюкню къуйругъу – бир тутум.
- Къызны минг тилер, бир алыр.
- Байдан умут эте, джарлыдан ёгюз багъасы къорады.
- Джашда акъыл джокъ, къартда къарыу джокъ.
- Ана къойну – балагъа джандет.
- Аз айтсам, кёб ангылагъыз.
- Тилчи тилден къаныкъмаз.
- Таукелге нюр джауар.
- Къонагъы джокъну – шоху джокъ.
- Къарнынг тойгъунчу аша да, белинг талгъынчы ишле.
- Тойгъа алгъа да барма, тойда артха да къалма.
- Уллу къашыкъ эрин джыртар.
- Келгинчи, къонакъ уялыр, келгенден сора, къонакъбай уялыр.
- Асхат ашлыкъ сата, юйдегиси ачдан къата.
