Расширенный поиск
20 Мая 2024 года
Логин: Регистрация
Пароль: Забыли пароль?
Навигация
Словарь
  • Ашын ашагъанынгы, башын да сыйла.
  • Булут кёкге джарашыу, уят бетге джарашыу.
  • Адамны аманы адамны бети бла ойнар.
  • Атынг аманнга чыкъгъандан эсе, джанынг тамагъынгдан чыкъсын.
  • Илму – джашауну джолу.
  • Ат басханны джер билед.
  • Джаным-тиним – окъуу, билим.
  • Мураты болгъанны джюрек тебюую башхады.
  • Джогъун бар этген, барын бал этген.
  • Ишни ахырын ойламай, аллын башлама.
  • Эллинг бла джау болсанг да, юйюнг бла джау болма.
  • Ашда – бёрю, ишде – ёлю.
  • Аллахха ийнаннган кишини, Аллах онгдурур ишин.
  • Иги сеники эсе да, сюйген кесимикин этеме.
  • Окъугъан – асыу, окъумагъан – джарсыу.
  • Чабакъсыз кёлге къармакъ салгъанлыкъгъа, чабакъ тутмазса.
  • Хаухну атма, ёнгкючню сатма.
  • Окъуу – билимни ачхычы, окъуу – дунияны бачхычы.
  • Душманны тышы – акъ, ичи – къара.
  • Къыз тиширыу кеси юйюнде да къонакъды.
  • Тюзлюк тас болмайды.
  • Джаш болсун, къыз болсун, акъылы, саны тюз болсун.
  • Ашлыкъ – бюртюкден, джюн – тюкден.
  • Тёгюлген тюгел джыйылмайды.
  • Юйюнгден чыкъдынг – кюнюнгден чыкъдынг.
  • Джыйырма къойну юч джыйырма эбзе кюте эди.
  • Тенги кёбню джау алмаз, акъылы кёбню дау алмаз.
  • Ариу сёз – джаннга азыкъ, аман сёз – башха къазыкъ.
  • Ачыу алгъа келсе, акъыл артха къалады.
  • Къолунгдан къуймакъ ашатсанг да, атаны борчундан къутулмазса.
  • Ётюрюкден тюбю джокъ, кёлтюрюрге джиби джокъ.
  • Халкъны юйю – туугъан джери.
  • Ётюрюкчюню шагъаты – къатында.
  • Башда акъыл болмаса, эки аякъгъа кюч джетер.
  • Къайгъыны сюйген, къайгъы табар.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Кюл тюбюндеги от кёрюнмейди.
  • Бир онгсуз адам адет чыгъарды, деб эштирик тюлсе.
  • Кёзюнде тереги болгъан, чёбю болгъаннга кюле эди.
  • Айырылгъанланы айю ашар, бёлюннгенлени бёрю ашар.
  • Aдам боллукъ, сыфатындан белгили.
  • Тойгъандан сора, ашны сёкме.
  • Джолунга кёре – джюрюшюнг, джагъанга кёре – юлюшюнг.
  • Алтыннга тот къонмаз.
  • Сёлеш деб шай берген, тохта деб, сом берген.
  • Хар зат кесини орнуна иги.
  • Сютден ауузу кюйген, суугъа юфгюре эди.
  • Бал чибинни ургъаны – ачы, балы – татлы.
  • Арыгъан къош чамчы болур.
  • Адеб базарда сатылмаз.

Аудио

Салам (группа)

Файлов: 41

Обновлен: 06.07.2017

  • Салам (группа) Таулу къызчыкъ Роза
(Голосов: 1, Рейтинг: 5)

Описание

Дата: 20.05.2014
Прослушиваний: 3270
Скачиваний: 406
Размер: 8.59 МБ
Текст песни:
Музыка Маджита Ногайлиева, стихи Хусея Джаубаева.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Къобан сууну тазалыгъы — иннетингде,
Джашил джазны айбатлыгъы — бетингде:
Таулу къызчыкъ Роза, джашайса джырымда,
Эсимдесе хар кюнюмде, джылымда.

Кюн таякъны сейир нюрю — къарамынгда,
Джаш кёлюмю джарытхан саламынгда:
Таулу къызчыкъ Роза, манга сёз берсенг а —
Юйюме да, джюрекгеча, кирсенг а.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Комментариев нет

  • Зарегистрируйтесь чтобы пользоваться плейлистом.