Расширенный поиск
29 Мая 2024 года
Логин: Регистрация
Пароль: Забыли пароль?
Навигация
Словарь
  • Татлы сёз – балдан татлы.
  • Ач, тоймам, дейди, тойгъан, ач болмам, дейди.
  • Сескекли кесин билдирир.
  • Ачыкъ джюрекге джол – ачыкъ.
  • Билмезни кёзю кёрмез, этмезни къулагъы эшитмез.
  • Элиб деген, элге болушур.
  • Алгъанда – джууукъ, бергенде – джау.
  • Хунаны тюбюн къазсанг, юсюнге ауар.
  • Шайтан алдады, тюзлюк къаргъады.
  • Уллу сёзде уят джокъ.
  • Ёксюзню тилеги къабыл болур.
  • Дуния мал дунияда къалады.
  • Окъугъанны бети джарыкъ.
  • Кёл ашады да, кеси ашады.
  • Аман эсирсе, юйюн ояр.
  • Тенги кёбню джау алмаз, акъылы кёбню дау алмаз.
  • Ата – билек, ана – джюрек!
  • Намыс сатылыб алынмайды.
  • Мадар болса, къадар болур.
  • Къарт айтханны этмеген, къартаймаз.
  • Азыгъы аз, алгъа къабар, аты аман, алгъа чабар.
  • Мал тутхан – май джалар.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Билим ат болуб да чабар, къуш болуб да учар.
  • Тойгъа барсанг, тоюб бар, эски тонунгу къоюб бар.
  • Шекер бла туз – бир болмаз, ушамагъан – юй болмаз.
  • Кирсизни – саны таза, халалны – къаны таза.
  • Кимни – тили, тиши онглу, кимни – къолу, иши онглу.
  • Ётюрюкден тюбю джокъ, кёлтюрюрге джиби джокъ.
  • Къар – келтирди, суу – элтди.
  • Термилгенинги табмазса, кюлгенинге тюберсе.
  • Уллу айтханны этмеген – уллаймаз.
  • Бети къызарыучу адамны, джюреги харам болмаз.
  • Къоркъакъны кёзю экили кёрюр.
  • Хаухну атма, ёнгкючню сатма.
  • Эте билген, этген этеди, эте билмеген, юретген этеди!
  • Зарда марда джокъ.
  • Тамбла алтындан бюгюн багъыр ашхы.
  • Эки элинги тыйсанг, джети элде махталырса.
  • Ауузу аманнга «иги», деме.
  • Ашхы тенг джолгъа салыр, аман тенг джолдан тайдырыр.
  • Таякъ этден ётер, тил сюекден ётер.
  • Тилде сюек болмаса да, сюек сындырыр.
  • Намысы болмагъанны, сыйы болмаз.
  • Къонакъ хазыр болгъанлыкъгъа, къонакъбай хазыр тюлдю.
  • Джылкъыдан – ат чыгъар, тукъумдан – джаш чыгъар.
  • Сагъышы джокъ – джукъучу, акъылы джокъ – къаугъачы.
  • Киштикге къанат битсе, чыпчыкъ къалмаз эди.
  • Ашхы – джыяр, аман – джояр.
  • Бойнуму джети джерден кессенг да, мен ол ишни этеллик тюлме.

Аудио

Узденов Альберт

Файлов: 48

Обновлен: 06.07.2017

  • Узденов Альберт Къарачай
(Голосов: 2, Рейтинг: 5)

Описание

Дата: 27.11.2013
Прослушиваний: 2451
Скачиваний: 672
Размер: 4 МБ
Текст песни:
Алан халкъны аслан кёллю баласы,
Тау намысны оюлмазлыкъ къаласы,
Хар не тюрлю хазнадан да джеринг бай,
Акъыл сёзлю, дугъум кёзлю Къарачай!

Тау башлада эримеучю къарынгы,
Субай санлы джашил наратларынгы
Тоялмайма кёзлерим бла ийнакълай,
Акъ башлыкълы, джашилчепкен Къарачай!

Алма терек чакъгъан кюнде, эшикде
Джукълаб тургъан балачыкъны бешикде
Тылпыуундан тогъугъанча, мен алай
Солуучанма тау хауангы, Къарачай!

Таудан саркъыб, кёкге чыгъыб, джауарыкъ,
Ахыр кюнде санларымы джууарыкъ,
Сууларынгдан, мен ичеме тоялмай,
Ана кёлча таза суулу Къарачай!

Саным сени топурагъынга къошулур, 
Джаным сингиб тау хауанга, хош болур, 
Аджалым да айырмазча, мен алай
Байланыбма сеннге, шыйых Къарачай!

Комментариев нет

  • Зарегистрируйтесь чтобы пользоваться плейлистом.