Расширенный поиск
19 Мая 2024 года
Логин: Регистрация
Пароль: Забыли пароль?
Навигация
Словарь
  • Эркишиге тары кебек танг кёрюнюр.
  • Алтыда кюлмеген, алтмышда кюлмез.
  • Окъугъан озар, окъумагъан тозар.
  • Таукелге нюр джауар.
  • Уллу айтханны этмеген – уллаймаз.
  • Эски джаугъа ышанма.
  • Хар адамгъа кеси миннген тау кибик.
  • Джюрек кёзден алгъа кёрюр.
  • Ургъан суудан башынгы сакъла.
  • Ашда уялгъан – мухар, ишде уялгъан – хомух.
  • Ашхылыкъ джерде джатмайды, аманлыкъ суугъа батмайды.
  • Берекет берсин деген джерде, берекет болур.
  • Ойнаб айтсанг да, эслеб айт.
  • Тил – кесген бычакъ, сёз – атылгъан окъ.
  • Кёб джашагъан – кёб билир.
  • Элиб деген, элге болушур.
  • Байлыкъ келсе, акъыл кетер.
  • Сангырау къулакъ эл бузар.
  • Юй ишлеген балта эшикде къалыр.
  • Сууда джау джокъ, кёб сёзде магъана джокъ.
  • Соргъан айыб тюлдю, билмеген айыбды.
  • Магъанасыз сёз – тауушсуз сыбызгъы.
  • Кюл тюбюндеги от кёрюнмейди.
  • Ичимден чыкъды хата, къайры барайым сата?
  • Суу ичген шауданынга тюкюрме.
  • Ёзденликни джайгъан – джокълукъ.
  • Хазыр ашха – терен къашыкъ.
  • Къазанны башы ачыкъ болса, итге уят керекди.
  • Сёз садакъдан кючлюдю.
  • Къатын байлыкъны сюер, эр саулукъну сюер.
  • Элге къуллукъ этмеген, элге ие болмаз.
  • Арпа, будай – ащды, алтын, кюмюш а – ташды.
  • Мал ёлсе, сюек къалыр, адам ёлсе, иши къалыр.
  • Акъдан къара болмаз.
  • Къатыны харакетли болса, эри къымсыз болур.
  • Эл бла кёргенинг эрелей.
  • Чомартха Тейри да борчлуду.
  • Ёгюзню мюйюзлери ауурлукъ этмейдиле.
  • Джашынгы кесинг юретмесенг, джашау юретир.
  • Тили узунну, намысы – къысха.
  • Чабакъ башындан чирийди.
  • Тёрде – темир таякълы, къаяда – чыпчыкъ аякълы.
  • Аджалсыз ёлюм болмаз.
  • Игини сыйлагъан адетди.
  • Биреуню къыйынлыгъы бла кесинге джол ишлеме.
  • Тёрдеги кюлсе, эшикдеги ышарыр.
  • Хоншуну тауугъу къаз кёрюнюр, келини къыз кёрюнюр.
  • Джети тилни билген джети кишиди.
  • Аман адам этегингден тутса, кес да къач.
  • Ачны эсинде – аш.

Аудио

Узденов Альберт

Файлов: 48

Обновлен: 06.07.2017

  • Узденов Альберт Хурметли ингирде
(Голосов: 1, Рейтинг: 5)

Описание

Дата: 10.11.2013
Прослушиваний: 1853
Скачиваний: 477
Размер: 5.25 МБ
Текст песни:
Музыка и стихи Альберта Узденова.

Иш хапарны къояйыкъчы, тенгле, биз
Бир солуюкъ, сагъыш этмей чырт джукъгъа!
Къайгъыладан тазалансын эсибиз,
Алгъыш айта Джуртха, тенгнге, джууукъгъа!

Бюгюн, тенгле, ичибизден биз кюлмей,
Махтанчакъны, дюргенни да кечейик.
Бизни кемсиз сюйгенлени биз билмей,
Джашаб тургъан джанла ючюн ичейик!

Сёз этмейин, тил этмейин бюгюн биз,
Кюнюбюзню бир сыйлы кюн этейик!
Бетсинеди деб уялмай бетибиз,
Хар адамны онглу джерин чертейик!

Хей, тамада, алгъыш сёз бер саугъагъа,
Тёзалмайды, кёлюм сёзден болуб токъ!
Джылы сёзню къызгъанмайыкъ саулагъа,
Ёлюб кетсек, джылы сёзден джылыу джокъ.

Комментариев нет

  • Зарегистрируйтесь чтобы пользоваться плейлистом.