Расширенный поиск
30 Мая 2024 года
Логин: Регистрация
Пароль: Забыли пароль?
Навигация
Словарь
  • Къыз чыгъаргъан – къызыл къымжа.
  • Акъыллы башны – тили къысха.
  • Тамбла алтындан бюгюн багъыр ашхы.
  • Ашына кёре табагъы, балына кёре къалагъы.
  • Аш кетер да бет къалыр.
  • Шайтан алдады, тюзлюк къаргъады.
  • Хаухну атма, ёнгкючню сатма.
  • Къонакъ кёб келюучю юйню, къазаны отдан тюшмез.
  • Илму – джашауну джолу.
  • Ашхы адам – халкъ байлыгъы, ашхы джер – джашау байлыгъы.
  • Керилген да, ургъан кибикди.
  • Бермеген къол, алмайды.
  • Азыгъы аз, алгъа къабар, аты аман, алгъа чабар.
  • Кюн кёрмеген, кюн кёрсе, кюндюз чыракъ джандырыр.
  • Ким бла джюрюсенг, аны кёзю бла кёрюнюрсе.
  • Адеб джокъда, намыс джокъ.
  • Эри аманны, къатыны – аман.
  • Эл тойса, тоймагъан, эл къойса, къоймагъан.
  • Накъырданы арты керти болур.
  • Ашыкъгъан cуу, тенгизге джетмез.
  • Кёлю джокъну – джолу джокъ.
  • Айтылгъан буйрукъ, сёгюлмез
  • Къалгъан ишге къар джауар.
  • Джаралыны джастыгъында сау ёлюр.
  • Бичгенде ашыкъма, тикгенде ашыкъ.
  • Аман адамны тепсинге олтуртсанг, къызынгы тилер.
  • Ханы къызы буюгъа-буюгъа киштик болду.
  • Тюзлюк шохлукъну бегитир.
  • Джаным-тиним – окъуу, билим.
  • Акъыл неден да кючлюдю.
  • Джыгъылгъанны сырты джерден тоймаз.
  • Арбаз сайлама да, хоншу сайла.
  • Къартны бурнун сюрт да, оноугъа тут.
  • Къонакъ хазыр болгъанлыкъгъа, къонакъбай хазыр тюлдю.
  • Джылар джаш, атасыны сакъалы бла ойнар.
  • Тура эдим джата, къайдан чыкъды хата?
  • Джарашыу сюйген – джалынчакъ.
  • Айранын берсенг, челегин да къызгъанма.
  • Ачылгъан эт джабылыр, кёрген кёз унутмаз.
  • Ашда – бёрю, ишде – ёлю.
  • Намысы болмагъанны, сыйы болмаз.
  • Джюрек кёзден алгъа кёрюр.
  • Хатерли къул болур.
  • Юйюнг бла джау болгъандан эсе, элинг бла джау бол.
  • Байны оноуу, джарлыгъа джарамаз.
  • Тил – миллетни джаны.
  • Биреуню къыйынлыгъы бла кесинге джол ишлеме.
  • Кёб къычыргъандан – къоркъма, тынч олтургъандан – къоркъ.
  • Ишленмеклик адамлыкъды.
  • Эркиши – от, тиширыу – суу.

Аудио

Токов Мурат

Файлов: 20

Обновлен: 06.07.2017

  • Токов Мурат Сени атынгы айтама
(Голосов: 6, Рейтинг: 5)

Описание

Дата: 25.06.2013
Прослушиваний: 2493
Скачиваний: 1667
Размер: 7.7 МБ
Текст песни:
музыка Аминат Шидаковой
стихи Кайсына Кулиева

Къууанч сагъатымда
Не мыдах болгъанда,
Атынгы айта турама,
Мийик булутлагъа,
Джарыкъ джулдузлагъа
Сени хапарынгы сорама.

Припев:
Къамагъа джазылгъан,
Джылтыраб тургъан
Джазыугъа ушайды атынг,
Андан ариу джокъча,
Тюрленмей турлукъча
Кёрюндю манга сыфатынг.

Припев.

Джолда кетиб бара,
Акъ таулагъа къараб,
Мен санга джырла этеме,
Къарлы къаяладан,
Чынгыл башларындан,
Атынгы айта, ётеме.

Припев.

Чолпан джулдуз – атынг,
Джарыкъ кюн – сыфатынг,
Мени джолуму джарытхан,
Сен – шаудан сууумса,
Сен – джазгъы тангымса,
Тауланы джарыта атхан.

Припев.

Джыр джылы кюйдюрген,
Джырчыгъа сюйдюрген,
Сен - ариуланы бирисе.
Джарлы назмучуну,
Ол джарлы джырчыны
Сен - джарыкъ тийген кюнюсе.

Припев.

Комментариев нет

  • Зарегистрируйтесь чтобы пользоваться плейлистом.