Расширенный поиск
30 Мая 2024 года
Логин: Регистрация
Пароль: Забыли пароль?
Навигация
Словарь
  • Ашха уста, юйюнде болсун
  • Биреу къой излей, биреу той излей.
  • Ач къарынны, токъ билмез
  • Ашын ашагъанынгы, башын да сыйла.
  • Къызны минг тилер, бир алыр.
  • Билим къая тешер.
  • Эл тойса, тоймагъан, эл къойса, къоймагъан.
  • Сескекли кесин билдирир.
  • Ашаса, ашамаса да, бёрюню ауузу – къан.
  • Келгинчи, къонакъ уялыр, келгенден сора, къонакъбай уялыр.
  • Чакъырылмагъан джерге барма, чакъырылгъан джерден къалма.
  • Ачылгъан эт джабылыр, кёрген кёз унутмаз.
  • Ёзденликни кёбю ётюрюк.
  • Билимли ёлмез, билимсиз кёрмез.
  • Суугъа – таянма, джаугъа – ийнанма.
  • Аш берме да, къаш бер.
  • Арбаз сайлама да, хоншу сайла.
  • Тенгинг джокъ эсе – изле, бар эсе – сакъла!
  • От кюйдюрген, сау болса да, тот кюйдюрген, сау болмаз.
  • Тенги кёбню джау алмаз, акъылы кёбню дау алмаз.
  • Къобан да къуру да къобханлай турмайды, адам да къуру да патчахлай турмайды.
  • Уллу суу бла уллу ауруудан башынгы сакъла.
  • Берекет берсин деген джерде, берекет болур.
  • Бети – къучакълар, джюреги – бычакълар.
  • Уруну арты – къуру.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Чомартха Тейри да борчлуду.
  • Телини эшигин, махтау джабар.
  • Кесине оноу эте билмеген, халкъына да эте билмез.
  • Артына баргъанны, къатына барма.
  • Алгъанда – джууукъ, бергенде – джау.
  • Билгенни къолу къарны джандырыр.
  • Чакъырылгъанны аты, чакъырылмагъанны багъасы болур.
  • Тил бла келеди джыр да.
  • Рысхысына кёре, джаш ёсер, къышлыгъына кёре, мал ёсер.
  • Аманнга да, игиге да оноусуз къатышма.
  • Минг тенг да азды, бир джау да кёбдю.
  • Билими азны – ауузунда кирит.
  • Окъдан джара эртде-кеч болса да бителир, сёз джара, ёмюрге къалыр.
  • Башынга джетмегенни сорма.
  • Мал тутхан – май джалар.
  • Иги адамны бир сёзю эки болмаз.
  • Тенгни тенглиги джашай барсанг билинир.
  • Ариу сёз аурууунгу алыр.
  • Окъуу – билимни ачхычы, окъуу – дунияны бачхычы.
  • Бойнуму джети джерден кессенг да, мен ол ишни этеллик тюлме.
  • Адамны аманы адамны бети бла ойнар.
  • Рысхы – насыбха къор.
  • Дуния аламаты сен эсенг да, игиме деб айтма.
  • Танг атмайма десе да, кюн къоярыкъ тюйюлдю.

Аудио

Отаров Омар

Файлов: 265

Обновлен: 06.07.2017

  • Отаров Омар Анам сакълама
(Голосов: 1, Рейтинг: 5)

Описание

Дата: 19.03.2013
Прослушиваний: 1534
Скачиваний: 1273
Размер: 9.06 МБ
Текст песни:
музыка Мустафира Жеттеева
стихи Иссы Боташева

Ой анам хариб, сен мени аллыма
Кёз къакъмай къарагъанлы азмы болду?
Джюрегинг ийнанмайд тас болгъаныма.
Огъурлу бетинг былай сазмы болду?

Анам хариб, джолгъа бош къараб турма.
Кир юйге, кёремисе кеч болгъанды?
Джюрегингде ашхы умутла къурма,
Джашынг солдат эд, солдатлай къалгъанды.

Анам, энди урушдан къайтыб келиб,
Сени тансыкълай, тору атымдан тюшмем.
"Анам, урушда бек суусаб болдум", - деб,
Халал къолунгдан айран алыб ичмем.

Ол сени аналарына санаучу
Кёб тенгим урушдан къайтхан болмазла.
Зыбыр къолунг бла сылаучу
Башыма окъ тийгенин ала айтхан болмазла.

Эрни иши алайды, алайды, джаным,
Аны къабыры элинде болмайды.
Ата джуртуна къоркъуу тюшсе, анам,
Ол къанын джанында артха салмайды.

Кир юйге, анам, кеч болгъанд, кёресе.
Энди манга сен къурманлыкъла атама.
Энди манга отоу джасаб не этесе?
Белгисиз солдат къабырда джатама. 

Комментариев нет

  • Зарегистрируйтесь чтобы пользоваться плейлистом.