Расширенный поиск
20 Мая 2024 года
Логин: Регистрация
Пароль: Забыли пароль?
Навигация
Словарь
  • Къанны къан бла джуума, аманны аман бла къуума.
  • Акъдан къара болмаз.
  • Этек чакъмакълары баш джаргъан, сёлешген сёзлери таш джаргъан.
  • Айыбны суу бла джууалмазса.
  • Тенгинг джокъ эсе – изле, бар эсе – сакъла!
  • Сескекли кесин билдирир.
  • Арпа, будай – ащды, алтын, кюмюш а – ташды.
  • Бёрю да ач къалмасын, эчки да ашалмасын.
  • Ариу – кёзге, акъыл – джюрекге.
  • Чомартны къолун джокълукъ байлар.
  • Таукел тауну аудурур.
  • Ат да турмайды бир териде.
  • Хар ишни да аллы къыйынды.
  • Экеулен сёлеше тура эселе, орталарына барыб кирме.
  • Ана къойну – балагъа джандет.
  • Къарт бла баш аша, джаш бла аякъ аша.
  • Джюз элде джюз ёгюзюм болгъандан эсе, джюз джууугъум болсун.
  • Аман адамны тепсинге олтуртсанг, къызынгы тилер.
  • Игилик игилик бла сингдирилиучю затды.
  • Ашыкъгъанны этеги бутуна чырмалыр.
  • Тенгни тенглиги джашай барсанг билинир.
  • Чомарт къолда мал къалмаз.
  • Джюрекге ариу – кёзге да ариу.
  • Адебни адебсизден юрен.
  • Окъ къызбайны джокълайды.
  • Итли къонакъ джарашмаз.
  • Керек ташны ауурлугъу джокъ.
  • Эски джаугъа ышанма.
  • Ёнгкюч къууана барыр, джылай келир.
  • Бет бетге къараса, бет да джерге къарар.
  • Къарнынг бла ёч алма.
  • Юй ишлеген балта эшикде къалыр.
  • Ишленмеген джаш – джюгенсиз ат, ишленмеген къыз – тузсуз хант.
  • Ана къолу ачытмаз.
  • Таугъа чыгъаллыкъ эсенг, тюзде къалма.
  • Къазанны башы ачыкъ болса, итге уят керекди.
  • Бек ашыкъгъан меннге джетсин, дегенди аракъы.
  • Ханнга да келеди хариблик.
  • Тойну къарнашы – харс, джырны къарнашы – эжиу.
  • Башсыз урчукъ тюзюне айланмаз.
  • Баланы адам этген анады.
  • Шайтан алдады, тюзлюк къаргъады.
  • Къонакъ аз олтурур, кёб сынар.
  • Ач уят къоймаз.
  • Къонагъынгы артмагъын алма да, алгъышын ал.
  • Айран ичген – къутулду, джугъусун джалагъан – тутулду.
  • Ишни ахырын ойламай, аллын башлама.
  • Артына баргъанны, къатына барма.
  • Таш ата билмеген, башына урур.
  • Эм ашхы къайын ана мамукъ бла башынгы тешер.

Аудио

Отаров Омар

Файлов: 265

Обновлен: 06.07.2017

  • Отаров Омар Акътамакъ
(Голосов: 3, Рейтинг: 5)

Описание

Дата: 17.12.2012
Прослушиваний: 2621
Скачиваний: 1215
Размер: 7.95 МБ
Текст песни:
музыка и стихи Исмаила Семенова (Джырчы Сымайыла)

...Кел, мин, ариу, файтоннга, 
Байду да минер биргенге. 
Эй, мен джюз файтоннга буйрукъ бергенме 
Сени биргенге тебрерге. 

Джюз файтон бла барырем, 
Юйюнгю аллына джол салыб, 
Эй, отоу терезеден бир къарагъыем, 
Эки джан сюекге къол салыб. 

Къаяда къаплан джатханлай, 
Къамагъа бычакъ такъгъанлай, 
Эй, джазыуунг джетсе, келиб къалырса 
Джалан аякълай, чабханлай, 

Мен таугъа тогъай салмасам, ариу, 
Тюзде файтон бла бармасам, 
Эй, ёлсем, къабырым а эки джарылыр, 
Дуниямда сени алмасам. 

Кел, мин, ариу, фаитоннга, 
Хамут салгъанма сары атха, 
Эй, джай чилледе да безгек боллукъса, 
Алыб кетмесем наратха. 

Тюлкю бла турна уа шох эдиле, 
Ала тюз къамишде къош элле. 
Эй, тауда сюйгенле - ма биз экиси, 
Къалгъан сюйгенле бош элле. 

Бал чибиним бал этер, 
Къанатын джайыб кенг, кетер. 
Эй, аджал инбашда, болджал тау башда, 
Толу муратына ким джетер? 

Мен суу джоргъагъа минейим, ариу, 
Темирден кюбе киейим, 
Эй, этген тузагъыма аягъынга тюшюб, 
Амалсыз кюнюнге тюбейим. 

Тау артында джылкъыла, 
Эбзеде токълу къыркъыла. 
Эй, ариу, алакёзюм, къайдан келесе, 
Базар мамукълай сытыла? 

Тауну артында чилле сюргенме, 
Керекли болсанг, алырса. 
Эй, алтын челеклеринг, кюмюш суу агъачынг, 
Эриксенг, суугъа барырса. 

Кел, мин, ариу, фаитоннга, 
Да къобуз согъа, чайкъала. 
Эй, сол джанынгда кесим барлыкъма, 
Сорсанг а, джууаб къайтара. 

Ой, ариучугъум, къайдан келесе, 
Кесинг кесинги сюйдюрюб? 
Эй, алыб кетерикме ариу алакёзню, 
Автомобильге миндириб...

Комментарии (1)

    Джаратама0
    Bilal
    18.01.2013 07:06:21
    Бу джырны сёзлери, макъамы да Семенланы Сымайылныкъыдыла (Джырчы Сымайылны).
    Башха айтырым джокъду. Отар улу ариу джырлагъанына сёз джокъду, алай а, билгенле, джырын Сымайыл кеси кимден да ариу джырлагъанын айтадыла.
    Ссылка
    • Зарегистрируйтесь чтобы пользоваться плейлистом.