Расширенный поиск
2 Июня 2024 года
Логин: Регистрация
Пароль: Забыли пароль?
Навигация
Словарь
  • Чыбыкълыкъда бюгюлмеген, къазыкълыкъда бюгюлмей эди.
  • Аш хазыр болса, иш харам болур.
  • Аллахдан тилесенг, кёб тиле.
  • Бир онгсуз адам адет чыгъарды, деб эштирик тюлсе.
  • Кёкдеги болмаса, джердегин кёрмейди.
  • Татлы тилде – сёз ариу, чемер къолда – иш ариу.
  • Сагъыш – къартлыкъгъа сюйюмчю.
  • Билим насыб берир, билим джолну керир.
  • Джерни букъусу кёкге къонмаз.
  • Ёпкелегенни ашы татлы болады.
  • Уллу айтханны этмеген – уллаймаз.
  • Адеб базарда сатылмаз.
  • Адамны адамлыгъы къыйынлыкъда айгъакъланады.
  • Кёб джат да, бек чаб.
  • Кюн – узун, ёмюр – къысха.
  • Биреуню къыйынлыгъы бла кесинге джол ишлеме.
  • Тюзню ётмеги тюзде къалса да, тас болмаз.
  • Къызбайны юйюне дери сюрсенг, батыр болур.
  • Сакъ юйюне сау барыр.
  • Къонакъ кёб келюучю юйню, къазаны отдан тюшмез.
  • Билгенни къолу къарны джандырыр.
  • Кёрмегеннге кебек – танг, битмегеннге сакъал – танг.
  • Ачлыкъ отха секиртир.
  • Ауругъаннга – кийик саулукъ, джетген къызгъа – чилле джаулукъ.
  • Къая джолда джортма, ачыкъ сёзден къоркъма.
  • Сёз садакъдан кючлюдю.
  • Къозулугъунда тоймагъан, къойлугъунда тоймаз.
  • Окъдан джара эртде-кеч болса да бителир, сёз джара, ёмюрге къалыр.
  • Чабакъсыз кёлге къармакъ салгъанлыкъгъа, чабакъ тутмазса.
  • Мени джылытмагъан кюн, меннге тиймесин!
  • Тойгъа барсанг, тоюб бар, эски тонунгу къоюб бар.
  • Аман киши кеси юйюнде – къонакъ.
  • Джетген къыз джерли эшекни танымаз.
  • Байма, деб да, къууанма, джарлыма, деб да, джылама.
  • Баланы адам этген анады.
  • Чабакъ башындан чирийди.
  • Мухар, кеси тойса да, кёзю тоймаз.
  • Сёз – кюмюш, джыр – алтын.
  • Айыбны суу бла джууалмазса.
  • Аманнга да, игиге да оноусуз къатышма.
  • Тамбла алтындан бюгюн багъыр ашхы.
  • Эл элде бирер малынг болгъандан эсе, бирер тенгинг болсун.
  • Къонагъы джокъну – шоху джокъ.
  • Къуру гыбыт бек дыгъырдар.
  • Ата Джуртча джер болмаз, туугъан элча эл болмаз.
  • Нарт сёз – тилни бети.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Кёлсюзден сёзсюз тууар.
  • Суу кетер, таш къалыр.
  • Чомартха хар кюн да байрамды.

Аудио

Салпагаров Мусса

Файлов: 1

Обновлен: 06.07.2017

  • Салпагаров Мусса Анам
(Голосов: 2, Рейтинг: 5)

Описание

Дата: 12.12.2012
Прослушиваний: 3107
Скачиваний: 173
Размер: 15.79 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.