Расширенный поиск
19 Мая 2024 года
Логин: Регистрация
Пароль: Забыли пароль?
Навигация
Словарь
  • Гугурук къычырмаса да, тангны атары къалмаз.
  • Джылыгъа джылан илешир.
  • Чакъырылмагъан къонакъ къачан кетерин сормаз.
  • Этим кетсе да, сюегим къалыр.
  • Джан саулукъ бермей, сан саулукъ бермезсе.
  • Адамгъа аман кюн соруб келмейди.
  • Ётюрюкню башын керти кесер.
  • Нёгер болсанг, тенг бол, тенг болмасанг, кенг бол.
  • Джукъу тёшек сайламайды.
  • Чоюнну башы ачыкъ болса, итге уят керекди.
  • Ачны эсинде – аш.
  • Къарт болгъан джерде, берекет болур, сабий болгъан джерде, оюн болур.
  • Акъыл бла адеб эгизледиле.
  • Къыйынлы джети элге оноу этер.
  • Джети тилни билген джети кишиди.
  • Ишлерге уял да, ашаргъа табма.
  • Тил – миллетни джаны.
  • Билим ат болуб да чабар, къуш болуб да учар.
  • Нёгерсизни джолу узун.
  • Ишни ахырын ойламай, аллын башлама.
  • Хантына кёре тузу, юйюне кёре къызы.
  • Эринчекге кюн узун.
  • Башда акъыл болмаса, эки аякъгъа кюч джетер.
  • Байлыкъ болгъан джерде, тынчлыкъ джокъду.
  • Кийиминг бла танылма, адамлыкъ бла таныл.
  • Аман къатын сабий табса, бий болур…
  • Ишге юренсин къоллары, халкъ бла болсун джоллары.
  • Тик ёргени, тик энгишгеси да болады.
  • Джюрекге ариу – кёзге да ариу.
  • Ургъан суудан башынгы сакъла.
  • Айтылгъан буйрукъ, сёгюлмез
  • Къуру гыбыт бек дыгъырдар.
  • Ата Джуртуму башы болмасам да, босагъасында ташы болайым.
  • Нарт сёз – тилни бети.
  • Кёлсюзден сёзсюз тууар.
  • Билим – акъылны чырагъы.
  • Бозаны арты дауур болур.
  • Къулакъдан эсе, кёзге ышан.
  • Таукел адам тау тешер.
  • Уруну арты – къуру.
  • Тамырсыз терекге таянма – джыгъылырса.
  • Бичгенде ашыкъма, тикгенде ашыкъ.
  • Терслик кетер, тюзлюк джетер.
  • Сёз садакъдан кючлюдю.
  • Кирсизни – саны таза, халалны – къаны таза.
  • Адам къаллай бир ишленмесе, аллай бир кесин уллу кёреди.
  • Чабакъсыз кёлге къармакъ салгъанлыкъгъа, чабакъ тутмазса.
  • Кимни – тили, тиши онглу, кимни – къолу, иши онглу.
  • Махтаннган къыз, тойда джукълар.
  • Ариуну – ауруу кёб.

Аудио

Газаев Алим

Файлов: 54

Обновлен: 10.07.2017

  • Газаев Алим Шукур энтда тюбедик (с Сокуровой О.)
(Голосов: 3, Рейтинг: 5)

Описание

Дата: 10.12.2012
Прослушиваний: 1974
Скачиваний: 558
Размер: 12.53 МБ
Текст песни:
музыка Кулины Асановой
стихи Танзили Зумакуловой

Сени тансыкъ кёзлеринг
Сейир насыбда жиляй,
Эринлеринг айтдыла,
Шош, акъырын шыбырдай:

- Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Минг-минг суудан биз ётдюк,
Минг палахдан къутулуп,
Дуния толкъунларында
Къалмагъанлай жутулуп.

Шукур, энтда тюбедик,
Жомакъда айтхан кибик,
Минг жылланы термилип,
Бир бирни тапхан кибик.

Кёзюм къарангы этиб
Дуния бола къарангы,
Джан дарман излегенча,
Изледим къарамынгы.

Ол кюн, ким билсин, манга
Кимни джаны ауруду?
Сени кёрюр насыбны
Джашау энтда джаудурду.

О, жаным, жаным, жаным,
Сюйсенг да джюрек бла,
Эшиталмадынгмы мени
Ол чарс кюн тилек бла? 

Комментариев нет

  • Зарегистрируйтесь чтобы пользоваться плейлистом.