Расширенный поиск
30 Мая 2024 года
Логин: Регистрация
Пароль: Забыли пароль?
Навигация
Словарь
  • Душманны тышы – акъ, ичи – къара.
  • Ариу сёз – къылычдан джити.
  • Киштикге къанат битсе, чыпчыкъ къалмаз эди.
  • Игини сыйлагъан адетди.
  • Керти сёзге тёре джокъ.
  • Тойгъан антын унутур.
  • Тулпарлыкъ, билекден тюл – джюрекден.
  • Аман къатын алгъан, арыр, иги къатын алгъан джарыр.
  • Орундукъ тюбюнде атылсам да, орта джиликме, де да айлан.
  • Таугъа чыгъаллыкъ эсенг, тюзде къалма.
  • Ариуну – ауруу кёб.
  • Ашатыргъа иш – ашхы, ишлетирге аш – ашхы.
  • Тойчу джашха къарама, къойчу джашха къара.
  • Шекер бла туз – бир болмаз, ушамагъан – юй болмаз.
  • Ачлыкъ отха секиртир.
  • Келинин тута билмеген, къул этер, къызын тута билмеген, тул этер.
  • Ачыкъ джюрекге джол – ачыкъ.
  • Ач къарным, тынч къулагъым.
  • Кенгеш болса, уруш болмаз.
  • Атадан ёксюз – бир ёксюз, анадан ёксюз – эки ёксюз.
  • Билим къая тешер.
  • Таукел адам тау тешер.
  • Тойгъанлыкъ къойгъа джарашады.
  • Ана – юйню кюн джарыгъы.
  • Акъыл къартда, джашда тюйюлдю – башдады.
  • Джиби бир къат джетмей эди да, эки къат тарта эди.
  • Хаухну атма, ёнгкючню сатма.
  • Бек анасы джыламаз.
  • Сёз садакъдан кючлюдю.
  • Бозанг болмагъан джерге, къалагъынгы сукъма.
  • Ашарыкъда сайлагъаннга – чий гырджын.
  • Уясында не кёрсе, учханында аны этер.
  • Бюгюн дуния кибик, тамбла ахыратды.
  • Тамчы таш тешер.
  • Кёл – къызбай, къол – батыр.
  • Эте билген, этген этеди, эте билмеген, юретген этеди!
  • Джыгъылгъанны сырты джерден тоймаз.
  • Суугъа – таянма, джаугъа – ийнанма.
  • Эки къатын алгъанны къулагъы тынгнгаймаз.
  • Аз айтсам, кёб ангылагъыз.
  • Аякъларынгы джууургъанынга кёре узат.
  • Кютгени беш эчки, сызгъыргъаны уа, джерни джарады.
  • Чакъырылмагъан къонакъ къачан кетерин сормаз.
  • Байлыкъ болгъан джерде, тынчлыкъ джокъду.
  • Ёлюк кебинсиз къалмаз.
  • Къарнынг тойгъунчу аша да, белинг талгъынчы ишле.
  • Кеси юйюмде мен да ханма.
  • Накъырданы арты керти болур.
  • Джарлыны тону джаз битер.
  • Хантына кёре тузу, юйюне кёре къызы.

Аудио

Узденов Сапар

Файлов: 22

Обновлен: 06.07.2017

  • Узденов Сапар Алгъыш
(Голосов: 7, Рейтинг: 4.86)

Описание

Дата: 05.12.2012
Прослушиваний: 3177
Скачиваний: 1599
Размер: 6.69 МБ
Текст песни:
муз. и сл. Сапара Узденова

Къартларыбыз аз болгъандан,
Къабырлада кёб болгъандан
Джангы джыл, тилейме, сен сакъла!
Акъ айрандан эрикгенден, 
Тауларыбыз эригенден,
Джангы джыл, тилейме, сен сакъла!

Припев: 
Мен сенден бир бек тилейме, 
Ол болурун бек излейме -
Акъ къарынг бла насыбны бир чач.
Тебмесинле тауларыбыз, ёлмесинле къартларыбыз, 
Тургъаныча турсун таш-агъач.

Адам къыйын ашагъандан,
Тюрленмейин джашагъандан, 
Джангы джыл, тилейме, сен сакъла!
Къарачайым ач болгъандан,
Къобаныбыз джокъ болгъандан,
Джангы джыл, тилейме, сен сакъла!

Припев. 

Джашлыкъ кюнню бош ийгенден, Сюеринги сюймегенден, 
Джангы джыл, тилейме, сен сакъла!
Таулу атны джокъ этгенден,
Кюн джарыкъны сезмегенден,
Джангы джыл, тилейме, сен сакъла!

Припев.

Комментариев нет

  • Зарегистрируйтесь чтобы пользоваться плейлистом.