Песен: 1 Создан:
28.11.2017 Обновлен:
28.11.2017
| 20 Мая | 2024 года |
Навигация
- Алма терегинден кери кетмез.
- Татлы сёз – балдан татлы.
- Эртде тургъан джылкъычыны эркек аты тай табар.
- Дженгил джетерикме деб, узун джолну къоюб, къысхасын барма.
- Эл элде бирер малынг болгъандан эсе, бирер тенгинг болсун.
- Тил джюрекге джол ишлейди.
- Биреуге кёлтюрген таягъынг, кесинги башынга урур.
- Киштикге къанат битсе, чыпчыкъ къалмаз эди.
- Бюгюн дуния кибик, тамбла ахыратды.
- Тамчы таш тешер.
- Къонакъ аман болса, къонакъбай джунчур
- Билими азны – ауузунда кирит.
- Атадан ёксюз – бир ёксюз, анадан ёксюз – эки ёксюз.
- Хата – гитчеден.
- Артына баргъанны, къатына барма.
- Атлыны кёрсе, джаяуну буту талыр.
- Ашыкъгъанны этеги бутуна чырмалыр.
- Ойнай-ойнай кёз чыгъар.
- Билген билмегенни юретген адетди.
- Джигер – джаннга къыйынлыкъ.
- Сангырау къулакъ эл бузар.
- Чомарт бергенин айтмаз.
- Таш бла ургъанны, аш бла ур.
- Къуру гыбыт бек дыгъырдар.
- Эринчекни аурууу – кёб.
- Аш берме да, къаш бер.
- Келинни – келгинчи, бёркню кийгинчи кёр.
- Айран ичген – къутулду, джугъусун джалагъан – тутулду.
- Суу ичген шауданынга тюкюрме.
- Къыз тиширыу кеси юйюнде да къонакъды.
- Къызны минг тилер, бир алыр.
- Аманны къуугъан, аманлыкъ табар.
- Ашыкъгъан cуу, тенгизге джетмез.
- Гырджын – тепсини тамадасы.
- Ётюрюкню къуйругъу – бир тутум.
- Уллу сёзде уят джокъ.
- Накъырданы арты керти болур.
- Эр сокъур болсун, къатын тилсиз болсун.
- Байма, деб да, къууанма, джарлыма, деб да, джылама.
- Билим ат болуб да чабар, къуш болуб да учар.
- Миллетни бойну – базыкъ, аны бла кюрешген – джазыкъ.
- Бойнуму джети джерден кессенг да, мен ол ишни этеллик тюлме.
- Таукел тауну аудурур.
- Тилсиз миллет джокъ болур.
- Ашда – бёрю, ишде – ёлю.
- Татлы тилде – сёз ариу, чемер къолда – иш ариу.
- Кёб къычыргъандан – къоркъма, тынч олтургъандан – къоркъ.
- Ашхылыкъ джерде джатмайды, аманлыкъ суугъа батмайды.
- Джолда аягъынга сакъ бол, ушакъда тилинге сакъ бол.
- Арпа, будай – ащды, алтын, кюмюш а – ташды.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
