Аудио :: Аудио:: Туменова Айшат

Арпа, будай – ащды, алтын, кюмюш а – ташды.
Айранын берсенг, челегин да къызгъанма.
Джауумдан сора, кюн кюйдюрюр, ётюрюкден сора, айыб кюйдюрюр.
Къонакъ аз олтурур, кёб сынар.
Халкъгъа джарагъан, джарлы къалмаз.
Ёнгкюч къууана барыр, джылай келир.
Кесине оноу эте билмеген, халкъына да эте билмез.
Айныгъанлы алты кюн, тогъайгъанлы тогъуз кюн.
Ашда уялгъан – мухар, ишде уялгъан – хомух.
Аш хазыр болса, иш харам болур.
Алма терегинден кери кетмез.
Къартны сыйын кёрмеген, къартлыгъында сыйлы болмаз.
Уллу къашыкъ эрин джыртар.
Чабар ат – джетген къыз.
Ашхылыкъ джерде джатмайды, аманлыкъ суугъа батмайды.
Окъугъан озар, окъумагъан тозар.
Ёмюрлюк шохлукъну джел элтмез.
Башланнган иш битер, къымылдагъан тиш тюшер.
Ауругъан – джашаудан умутчу.
Адеб базарда сатылмаз.
Босагъа таш юйге кирмей эди, тыбыр таш эшикге чыкъмай эди.
Аман къатын алгъан, арыр, иги къатын алгъан джарыр.
Къайгъы тюбю – тенгиз.
Юй кюйдю да, кюйюз чыкъды, ортасындан тюйюш чыкъды.
Джигер – джаннга къыйынлыкъ.
Къумурсхала джыйылсала, пилни да джыгъадыла.
Бети – къучакълар, джюреги – бычакълар.
Ишни ахырын ойламай, аллын башлама.
Ишлерге уял да, ашаргъа табма.
Ойнаб айтсанг да, эслеб айт.
Бёрю да ач къалмасын, эчки да ашалмасын.
Зарда марда джокъ.
Мал ёлсе, сюек къалыр, адам ёлсе, иши къалыр.
Кёб джашагъан – кёб билир.
Ёлген ийнек сютлю болур.
Чомарт къонакъ юй иесин сыйлар.
Байлыкъдан саулукъ ашхыды.
Туз, гырджын аша, тюзлюк бла джаша.
Этим кетсе да, сюегим къалыр.
Кесине гебен этелмеген, биреуге черен эте эди.
Ариу сёзде ауруу джокъ.
Билими азны – ауузунда кирит.
Джыйырма къойну юч джыйырма эбзе кюте эди.
Уллу сёлешме да, уллу къаб.
Бетинги сатма, малынгы сат.
Сёз садакъдан кючлюдю.
Ханнга да келеди хариблик.
Ойнай билмеген, оюн бузар.
Ашыкъгъанны этеги бутуна чырмалыр.
Чоюнну башы ачыкъ болса, итге уят керекди.

Логин:	Регистрация

Пароль:	Забыли пароль?

Запомнить меня

Аудио

Туменова Айшат

Скачать

Адрес