Песен: 2 Создан:
06.05.2015 Обновлен:
06.05.2015
| 31 Мая | 2024 года |
Навигация
- Ургъан суудан башынгы сакъла.
- Къолунгдан къуймакъ ашатсанг да, атаны борчундан къутулмазса.
- Мен да «сен», дейме, сен да «кесим», дейсе.
- Ойнаб айтсанг да, эслеб айт.
- Байны оноуу, джарлыгъа джарамаз.
- Окъуу – билимни ачхычы, окъуу – дунияны бачхычы.
- Кюн кёрмеген, кюн кёрсе, кюндюз чыракъ джандырыр.
- Орну джокъну – сыйы джокъ.
- Джаным-тиним – окъуу, билим.
- Тил – кесген бычакъ, сёз – атылгъан окъ.
- Элге къуллукъ этмеген, элге ие болмаз.
- Ауурну тюбю бла, дженгилни башы бла джюрюген.
- Билим – акъылны чырагъы.
- Адам къыйынлыгъын кёлтюрюр, зауукълугъун кёлтюрмез.
- Рысхысына кёре, джаш ёсер, къышлыгъына кёре, мал ёсер.
- Таукел къуру къалмаз.
- Игилик игилик бла сингдирилиучю затды.
- Къолу уллу – асыу, аягъы уллу – джарсыу.
- Чарсда алчыны эл кёреди.
- Тойгъан джерге джети къайт.
- Тик ёргени, тик энгишгеси да болады.
- Артына баргъанны, къатына барма.
- Къозулугъунда тоймагъан, къойлугъунда тоймаз.
- Тенгни тенглиги джашай барсанг билинир.
- Эл бла кёргенинг эрелей.
- Акъыллы – эл иеси, тели – эл баласы.
- Къызны минг тилер, бир алыр.
- Билим насыб берир, билим джолну керир.
- Битмегеннге сакъал – танг.
- Джюрекге ариу – кёзге да ариу.
- Чакъырылмагъан къонакъ тёрге атламаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адамны аты башхача, акъылы да башхады.
- Кёб ант этген, кёб ётюрюк айтыр.
- Хата – гитчеден.
- Тешик этген тынчды, аны джамагъан къыйынды.
- Билмегенинги, билгеннге сор.
- Къобан да къуру да къобханлай турмайды, адам да къуру да патчахлай турмайды.
- Ишлегенде эринме, ишде чолакъ кёрюнме.
- Эшекге миннген – биринчи айыб, андан джыгъылгъан – экинчи айыб.
- Таш бла ургъанны, аш бла ур.
- Азыгъы аз, алгъа къабар, аты аман, алгъа чабар.
- Тюзлюк шохлукъну бегитир.
- Хатерли къул болур.
- Къыз чыгъаргъан – къызыл къымжа.
- Аман адамны тепсинге олтуртсанг, къызынгы тилер.
- Ариу сёз – къылычдан джити.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Адеб джокъда, намыс джокъ.
- Айтылгъан сёз ызына къайтмаз.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
