Песен: 2 Создан:
06.05.2015 Обновлен:
06.05.2015
| 20 Мая | 2024 года |
Навигация
- Иги – алгъыш этер, аман – къаргъыш этер.
- Ауурну тюбю бла, дженгилни башы бла джюрюген.
- Адеб этмеген, адеб кёрмез.
- Атлыны ашхысы, ат тизгининден билинир
- Aдам боллукъ, сыфатындан белгили.
- Джыланны къуйругъундан басарынг келсе, аны башы болгъанын унутма.
- Айран тёгюлсе, джугъусу къалыр.
- Кесинг сынамагъан затны, адамгъа буюрма.
- Тил – кесген бычакъ, сёз – атылгъан окъ.
- Мен да «сен», дейме, сен да «кесим», дейсе.
- Акъыллы айтыр эди, акъылсыз къоймайды.
- Аз сёлеш, кёб ишле.
- Намысы болмагъанны, сыйы болмаз.
- Атадан ёксюз – бир ёксюз, анадан ёксюз – эки ёксюз.
- Кимни – тили, тиши онглу, кимни – къолу, иши онглу.
- Билим насыб берир, билим джолну керир.
- Тенги кёбню джау алмаз, акъылы кёбню дау алмаз.
- Джылар джаш, атасыны сакъалы бла ойнар.
- Ётюрюк хапар аякъ тюбю бла джюрюйдю.
- Ашха уста, юйюнде болсун
- Душманны тышы – акъ, ичи – къара.
- Игиге айтсанг – билир, аманнга айтсанг – кюлюр.
- Ёлген ийнек сютлю болур.
- Юйюнгден чыкъдынг – кюнюнгден чыкъдынг.
- Тёзген – тёш ашар!
- Эки итни арасына сюек атма, эки адамны арасында сёз чыгъарма.
- Арба аугъандан сора, джол кёргюзтюучю кёб болур.
- Билген билмегенни юретген адетди.
- Башы джабылгъан челекге, кир тюшмез.
- Эки элинги тыйсанг, джети элде махталырса.
- Кюн кёрмеген, кюн кёрсе, кюндюз чыракъ джандырыр.
- Ишлемеген – тишлемез.
- Джолунга кёре – джюрюшюнг, джагъанга кёре – юлюшюнг.
- Биреуню къыйынлыгъы бла кесинге джол ишлеме.
- Эртде тургъан бла эртде юйленнген сокъуранмаз.
- Аман хансны – урлугъу кёб.
- Кийимни бичсенг, кенг бич, тар этген къыйын тюлдю.
- Эркишини аманы тиширыуну джылатыр.
- Джырына кёре эжиую.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тёзгеннге, джабылгъан эшик ачылыр.
- Къозулугъунда тоймагъан, къойлугъунда тоймаз.
- Мал кёб болса, джууукъ кёб болур.
- Акъдан къара болмаз.
- Таш ата билмеген, башына урур.
- Бастасын ашагъан, хантусун да ичер.
- Джаханимни кёрмей, джандетге кёл салмазса.
- Къуру гыбыт бек дыгъырдар.
- Ёзденликни кёбю ётюрюк.
- Бёрю да ач къалмасын, эчки да ашалмасын.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
