Аудио :: Аудио:: Алиев Заур

Къыйынлы джети элни къайгъысын этер.
Ачны эсинде – аш.
Аман хансны – урлугъу кёб.
Бойнуму джети джерден кессенг да, мен ол ишни этеллик тюлме.
Азыгъы аз, алгъа къабар, аты аман, алгъа чабар.
Урунуу – насыбны анасы.
Соргъан айыб тюлдю, билмеген айыбды.
Джашны джигитлиги сорулур, къызны джигерлиги сорулур.
Башланнган иш битер, къымылдагъан тиш тюшер.
Хазыр ашха – терен къашыкъ.
Чакъырылгъанны аты, чакъырылмагъанны багъасы болур.
Тёрде – темир таякълы, къаяда – чыпчыкъ аякълы.
Адеб базарда сатылмаз.
Уллу атлама – абынырса, уллу къабма – къарылырса.
Билмезни кёзю кёрмез, этмезни къулагъы эшитмез.
Ауурну тюбю бла, дженгилни башы бла джюрюген.
Айтхан – тынч, этген – къыйын.
Баш – акъыл ючюн, акъылман – халкъ ючюн.
Тил джюрекге джол ишлейди.
Джаз бир кюнню джатсанг, къыш талай кюнню абынырса.
Ханнга да келеди хариблик.
Эри аманны, къатыны – аман.
Ашыкъгъан cуу, тенгизге джетмез.
Иги адам абынса да, джангылмаз.
Ёпкелегенни ашы татлы болады.
Кёзню ачылгъаны – иги, ауузну джабылгъаны – иги.
Ач отунчуну ачыуу – бурнунда.
Кенгеш болса, уруш болмаз.
Ашхы адам – халкъ байлыгъы, ашхы джер – джашау байлыгъы.
Элге къуллукъ этмеген, элге ие болмаз.
Къая джолда джортма, ачыкъ сёзден къоркъма.
Кюл тюбюндеги от кёрюнмейди.
Билими азны – ауузунда кирит.
Арыгъан къош чамчы болур.
Джашда акъыл джокъ, къартда къарыу джокъ.
Ашарыкъда сайлагъаннга – чий гырджын.
Ким бла джюрюсенг, аны кёзю бла кёрюнюрсе.
Тойгъа барсанг, тоюб бар, эски тонунгу къоюб бар.
Айраннга суу къош, телиге джол бош.
Кюн – узун, ёмюр – къысха.
Къонакъ аман болса, къонакъбай джунчур
Эл ауузу – элек, анга ийнаннган – халек.
Баланы адам этген анады.
Хар зат кесини орнуна иги.
Суу да къайтады чыкъгъан джерине.
Телини эшигин, махтау джабар.
Тил – миллетни джаны.
Махтаннган къыз, тойда джукълар.
Адам къаллай бир ишленмесе, аллай бир кесин уллу кёреди.
Ишленмеген джаш – джюгенсиз ат, ишленмеген къыз – тузсуз хант.

Логин:	Регистрация

Пароль:	Забыли пароль?

Запомнить меня

Аудио

Алиев Заур

Скачать

Адрес