Аудио :: Аудио:: Кайтаев Магомед

Джети тилни билген джети кишиди.
Къызгъанчдан ычхыныр, мухардан ычхынмаз.
Джетген къыз джерли эшекни танымаз.
Зар адам ашынгы ашар, кесинги сатар.
Уллу сёзде уят джокъ.
Ариу сёз – джаннга азыкъ, аман сёз – башха къазыкъ.
Баргъанынга кёре болур келгенинг.
Билимсиз иш бармаз.
Керек ташны ауурлугъу джокъ.
Телиге акъыл салгъандан эсе, ёлгеннге джан салырса.
Башланнган иш битер, къымылдагъан тиш тюшер.
Ушамагъан – джукъмаз.
Баланы адам этген анады.
Къайгъы тюбю – тенгиз.
Эл ауузу – элек, анга ийнаннган – халек.
Эртде тургъан бла эртде юйленнген сокъуранмаз.
Бек ашыкъгъан меннге джетсин, дегенди аракъы.
Окъ къызбайны джокълайды.
Ашхы тенг джолгъа салыр, аман тенг джолдан тайдырыр.
Окъугъанны бети джарыкъ.
Ач къарынны, токъ билмез
Акъыл аздырмаз, билим тоздурмаз.
Тил джюрекге джол ишлейди.
Къралынгы – душмандан, башынгы от бла суудан сакъла.
Ичимден чыкъды хата, къайры барайым сата?
Атынг аманнга чыкъгъандан эсе, джанынг тамагъынгдан чыкъсын.
Къая джолда джортма, ачыкъ сёзден къоркъма.
Халкъгъа джарагъан, джарлы къалмаз.
Къар – келтирди, суу – элтди.
Байлыкъ тауусулур, билим тауусулмаз.
Эки къатын алгъан – эки ташны ортасына башын салгъан.
Керти сёзге тёре джокъ.
Рысхы – насыбха къор.
Чакъырылмагъан къонакъ тёрге атламаз.
Эли джокъну – кёлю джокъ.
Келгинчи, къонакъ уялыр, келгенден сора, къонакъбай уялыр.
Къонагъы джокъну – шоху джокъ.
Ойнай билмеген, оюн бузар.
Айтылгъан сёз ызына къайтмаз.
Рысхысына кёре, джаш ёсер, къышлыгъына кёре, мал ёсер.
Ариуну – ауруу кёб.
Ачыкъ джюрекге джол – ачыкъ.
Сёз къанатсыз учар.
Орну джокъну – сыйы джокъ.
Битмегеннге сакъал – танг.
Ауругъанны сау билмез, ач къарынны токъ билмез.
Тюз сёз баргъан сууну тыяр.
Нарт сёз къарт болмаз.
Нёгерсизни джолу узун.
Къонакъ хазыр болгъанлыкъгъа, къонакъбай хазыр тюлдю.

Логин:	Регистрация

Пароль:	Забыли пароль?

Запомнить меня

Аудио

Кайтаев Магомед

Скачать

Адрес