Аудио :: Аудио:: Биев Аслан

Ачлыкъда тары гырджын халыуадан татлы.
Гугук кесини атын айтыб къычыргъанча, мен, мен деб нек тураса?
Эрине къаргъыш этген къатын, эрнин къабар.
Тилчи бир сагъатха айлыкъ хата этер.
Атынг аманнга чыкъгъандан эсе, джанынг тамагъынгдан чыкъсын.
Къонакъ хазыр болгъанлыкъгъа, къонакъбай хазыр тюлдю.
Термилгенинги табмазса, кюлгенинге тюберсе.
Эр абынмай, эл танымаз.
Иги джашны ышаны – аз сёлешиб, кёб тынгылар.
Тойгъа алгъа да барма, тойда артха да къалма.
Аджашхан тёгерек айланыр.
Джюрек кёзден алгъа кёрюр.
Къатын байлыкъны сюер, эр саулукъну сюер.
Къолу уллу – асыу, аягъы уллу – джарсыу.
Джаз бир кюнню джатсанг, къыш талай кюнню абынырса.
Аман адам элни бир-бирине джау этер.
Тил – кесген бычакъ, сёз – атылгъан окъ.
Ашына кёре табагъы, балына кёре къалагъы.
Къарын къуру болса, джюрек уру болур.
Суугъа – чабакъ, къаягъа – ыргъакъ.
Ашатыргъа иш – ашхы, ишлетирге аш – ашхы.
Къазанчы аман болса, къазаны къайнамаз.
Джуртун къоругъан озар.
Къонакъ аз олтурур, кёб сынар.
Аш кетер да бет къалыр.
Арыгъан къош чамчы болур.
Айранын берсенг, челегин да къызгъанма.
Джаным-тиним – окъуу, билим.
Тешик этген тынчды, аны джамагъан къыйынды.
Иги бла джюрюсенг, джетерсе муратынга, аман бла джюрюсенг, къалырса уятха.
Къаллай салам берсенг, аллай джууаб алырса.
Къартны сыйын кёрмеген, къартлыгъында сыйлы болмаз.
Чакъырылмагъан къонакъ тёрге атламаз.
Намысы болмагъанны, сыйы болмаз.
Эрни эр этерик да, къара джер этерик да, тиширыуду.
Таугъа чыгъаллыкъ эсенг, тюзде къалма.
Айтылгъан буйрукъ, сёгюлмез
Аман къатын сабий табса, бий болур…
Адам къаллай бир ишленмесе, аллай бир кесин уллу кёреди.
Ауузу аманнга «иги», деме.
Джашлыкъ этмеген, башлыкъ этмез.
Киштикге къанат битсе, чыпчыкъ къалмаз эди.
Ётюрюкден тюбю джокъ, кёлтюрюрге джиби джокъ.
Ушамагъан – джукъмаз.
Чабакъ башындан чирийди.
Къулакъдан эсе, кёзге ышан.
Эр сокъур болсун, къатын тилсиз болсун.
Къыз келсе, джумуш эте келеди, къатын келсе, ушакъ эте келеди.
Кийимни бир кюнню аясанг, минг кюннге джарар.
Кёпюр салгъан кеси ётер, уру къазгъан кеси кетер.

Логин:	Регистрация

Пароль:	Забыли пароль?

Запомнить меня

Аудио

Биев Аслан

Скачать

Адрес