Аудио :: Аудио:: Узденов Сапар

Намысы болмагъанны, сыйы болмаз.
Сёз сёзню айтдырыр.
Джашны джигитлиги сорулур, къызны джигерлиги сорулур.
Ишлемеген – тишлемез.
Харам къарнашдан, халал тенг ашхы.
Азыгъы аз, алгъа къабар, аты аман, алгъа чабар.
Ханнга да келеди хариблик.
Башсыз урчукъ тюзюне айланмаз.
Киштикге къанат битсе, чыпчыкъ къалмаз эди.
Хунаны тюбюн къазсанг, юсюнге ауар.
Аш хазыр болса, иш харам болур.
Кёбню кёрген – кёб билир.
Татлы сёз – балдан татлы.
Тил – кесген бычакъ, сёз – атылгъан окъ.
Уллу къазанда бишген эт, чий къалмаз.
Бал – татлы, балдан да бала – татлы.
Къар – келтирди, суу – элтди.
Джаз бир кюнню джатсанг, къыш талай кюнню абынырса.
Адам къыйынлыгъын кёлтюрюр, зауукълугъун кёлтюрмез.
Адебни адебсизден юрен.
Ашатыргъа иш – ашхы, ишлетирге аш – ашхы.
Таукелге нюр джауар.
Тамбла алтындан бюгюн багъыр ашхы.
Илму – джашауну джолу.
Аллахха ийнаннган кишини, Аллах онгдурур ишин.
Миллетни бойну – базыкъ, аны бла кюрешген – джазыкъ.
Ханы къызы буюгъа-буюгъа киштик болду.
Дуния мал дунияда къалады.
Хоншуну тауугъу къаз кёрюнюр, келини къыз кёрюнюр.
Кёб джат да, бек чаб.
Тюзлюк тас болмайды.
Баш – акъыл ючюн, акъылман – халкъ ючюн.
Душманны тышы – акъ, ичи – къара.
Къарт бла баш аша, джаш бла аякъ аша.
Къатын байлыкъны сюер, эр саулукъну сюер.
Иги адам абынса да, джангылмаз.
Борчунг бар эсе, хурджунунга ойлаб узал.
Адамны артындан къара сабан сюрме.
Тынгылагъан тынгы бузар.
От этилмеген джерден тютюн чыкъмайды.
Зар адамны насыбы болмаз.
Намысы джокъну – дуниясы джокъ.
Бети бедерден, намыс сакълама.
Ач къалгъандан, кеч къалгъан къолай.
Элиб деген, элге болушур.
Абынмазлыкъ аякъ джокъ, джангылмазлыкъ джаякъ джокъ.
Ишленмеклик адамлыкъды.
Аман къатын алгъан, арыр, иги къатын алгъан джарыр.
Джаш къарыу бла кючлю, къарт акъыл бла кючлю.
Хата – гитчеден.

Логин:	Регистрация

Пароль:	Забыли пароль?

Запомнить меня

Аудио

Узденов Сапар

Скачать

Адрес