Аудио :: Аудио:: Шидакова Аминат

Джол бла сёзню къыйыры джокъ.
Кёзюнде тереги болгъан, чёбю болгъаннга кюле эди.
Ариу сёз – къылычдан джити.
Аман адам этегингден тутса, кес да къач.
Тик ёргени, тик энгишгеси да болады.
Сабийни джумушха джибер да, ызындан бар.
Таукел тауну аудурур.
Ата джурт – алтын бешик.
Юйюнг бла джау болгъандан эсе, элинг бла джау бол.
Къарыусузгъа кюлме, онгсузгъа тийме.
Эртде тургъан бла эртде юйленнген сокъуранмаз.
Чабакъ башындан чирийди.
Адамны аманы адамны бети бла ойнар.
Азыгъы аз, алгъа къабар, аты аман, алгъа чабар.
Къуру гыбыт бек дыгъырдар.
Байлыкъдан саулукъ ашхыды.
От этилмеген джерден тютюн чыкъмайды.
Баш – акъыл ючюн, акъылман – халкъ ючюн.
Ауузу аманнга «иги», деме.
Кёзю сокъурдан – къоркъма, кёлю сокъурдан – къоркъ.
Ачлыкъ отха секиртир.
Ауурну тюбю бла, дженгилни башы бла джюрюген.
Къайтырыкъ эшигинги, къаты уруб чыкъма.
Бек ашыкъгъан меннге джетсин, дегенди аракъы.
Аманнга да, игиге да оноусуз къатышма.
Ёгюзню мюйюзлери ауурлукъ этмейдиле.
Ашхы болсанг, атынг чыгъар, аман болсанг, джанынг чыгъар.
Башы джабылгъан челекге, кир тюшмез.
Кенгеш болса, уруш болмаз.
Къолу уллу – асыу, аягъы уллу – джарсыу.
Кесинг сынамагъан затны, адамгъа буюрма.
Къонагъынгы артмагъын алма да, алгъышын ал.
Кёзню ачылгъаны – иги, ауузну джабылгъаны – иги.
Магъанасыз сёз – тауушсуз сыбызгъы.
Ашыкъгъанны этеги бутуна чырмалыр.
Эте билген, этген этеди, эте билмеген, юретген этеди!
Джерни букъусу кёкге къонмаз.
Гыдай эчки суугъа къараб, мюйюзле кёрмесе, джашма алкъын, дегенди.
Билим насыб берир, билим джолну керир.
Ач, тоймам, дейди, тойгъан, ач болмам, дейди.
Окъ къызбайны джокълайды.
Джиби бир къат джетмей эди да, эки къат тарта эди.
Аш иеси бла татлыды.
Ачылгъан эт джабылыр, кёрген кёз унутмаз.
Терслик кетер, тюзлюк джетер.
Акъыл бла адеб эгизледиле.
Ашхы тенг джолгъа салыр, аман тенг джолдан тайдырыр.
Тамырсыз терекге таянма – джыгъылырса.
Хансыз джомакъ болмаз.
Тилчиден кери бол.

Логин:	Регистрация

Пароль:	Забыли пароль?

Запомнить меня

Аудио

Шидакова Аминат

Скачать

Адрес